සොබාදහම අපට කියා දුන් වෙසක්

ඇත්තෙන්ම මම මේකෙන් එන සම්පූර්ණ මුදල අපි මේ දවස්වල කරගෙන යන අසරණ මිනිසුන්ට පිහිට වීමේ වැඩ සඳහා යොදා ගන්නවා .මම හිතනවා SL Charrity වලට ලබා දීමෙනුත් මේ දේම සිදු වන නිසා කවුරුත් ඒ පිළිබඳව අහිතක් ඇති කර නොගනී කියලා .

වෙසක් පෝයට කලින් අපි මේ වගේ මුදල් යොදවලා කරපු වැඩේ ගැන ලියපු පෝස්ට් එක තමයි මේ .
Link

හරි දැන් කතාවට එමුකො .

වෙසක් පෝය කියන්නේ මොකද්ද කියල මම පෝස්ට් එකක් දැම්මා ඒක තමයි මේ .
Link

ඒක නිසා මම ඒ ගැන විස්තර නොකර ඉන්නම්.

කොරොනා තත්ත්වය නිසා අපට 2020, 2021 වෙසක් උත්සවය අති උත්සවශ්‍රියෙන් සමරන්න බැරිවුණු .ඇත්තටම මම නම් දකින්නේ ඒක හොඳ දෙයක් විදිහට .මොකද දැන් වෙසක් පෝය වාණිජකරණය වෙලා .

ආමිස පූජා වගේම ප්‍රතිපත්ති පූජා ගැන කවුරුත් අහල තියෙනවා ඇති .ආමිස පූජා කියන්නේ ආගමේ පැවැත්ම වෙනුවෙන් අපි සිදු කරන දේවල් .ප්‍රතිපත්ති පූජා කියන්නේ අපේ පැවැත්ම වෙනුවෙන් සිදු කරන දේවල්.

වෙසක් කූඩුවක් හදලා ,මලක් පූජා කරලා ,තොරණ් බලලා ලබන ආත්මෙ ලස්සන වෙලා උපදින්න බලාපොරොත්තු වෙන බෞද්ධයෝ අප අතර නැතුවම නොවෙයි .ඒ අය කරන්නේ ප්‍රතිපත්ති පූජාව ගැන අවබෝධයක් නැතුව ආමිස පූජාව සිදු කරන එක .

හැබැයි ආමිස පූජාව ඕනිම නෑ කියලා මම කියන්නේ නෑ .ඒත් අද ඒක යොමු වෙලා තියෙන පැත්තෙ වැරදියි .
දන්සලක් කරලා හවසට මත්පැන් බීලා එතන බජව් දානවනම් .තොරන් බලන්න ගිහින් භූත ගුවහා අස්සේ යනවනම් ,ගන්න තියෙන විච්චූරණ බඩු ගෙදර ගේනවා නම් අපි වරද්දගෙන තියෙන්නෙ .අපි ධර්මය හරියට තේරුම් අරගෙන නෑ .

"අපි අසරණ වෙලා වගේ හිතට දැනෙනවා බුදු හාමුදුරුවනේ "

ඇත්තටම 2019 ට කලින් අවුරුදු වල මමත් ඔය දේවල් කලා ඒ අපි හුරුවෙලා තියෙන විදිහ නිසා වෙන්න ඇති . මට මතක විදිහට 2019 සහරන්ගේ ප්‍රහාරයෙන් පස්සේ වෙසක් ලබපු නිසා හැම නගරයක්ම අනිත් ආගමත් එක්ක තියෙන තරහට ගොඩක් වැඩියෙන් සැරසුවා මතකයි .බලංගොඩ නගරය වෙනුවෙන් මමත් දායක වුණා මතකයි .

2020 ගෙදරට වෙලා කූඩුවක් හදලා පොඩ්ඩක් සරසලා පාඩුවේ හිටියා .

හැබැයි මම 2021 ගැන ගොඩක් ආඩම්බර වෙනවා මම ගොඩක් වැරදියට තේරුම් අරන් තිබුණු දේවල් හරියට තේරුම් ගත්ත කියලා හිතෙනවා. අපේ යාලුවො එක්ක එකතු වෙලා කොරෝනා වසංගතය නිසා සංචරණ සීමාවලින් එදා වේල කන්න නැති මිනිස්සු ගැන හොයන්න ගත්තා .බලනකොට අපිට හිතාගන්න බැරි තරම් ප්‍රමාණයක් ඉන්නවා කියලා දැන ගත්ත .

ඉතින් අපි සරදියෙල් වගේ ඇති මිනිස්සුන්ගෙන් නැති මිනිසුන්ට දෙන්න තීරණය කළා.

අපි මේකේ පලවෙනි අදියර විදිහට බඩු පාර්සල් 55ක් පෝය දවසෙ බෙදලා දුන්නා .අපි ඉස්සරහටත් මේ වැඩේ කරනවා .

හැබැයි මේ වැඩ කරගෙන යද්දී මම තේරුම් ගත්ත එක දෙයක් තිබුනා අපි කළයුත්ත නොකර වෙනත් බොහෝ දේ කරනවා .ඉහත ඡායාරූපය තරමක් අපැහැදිලි ඇති. ඔයා ගෙදර තනියම වයසක අම්මා කෙනෙක් විතරයි ඉන්නේ .ගේ වටේටම කැලේ වැවිලා .තනියට කැහැටු ගැහිච්ච බල්ලෙක් ඉන්නවා .ගෙදරට දොරක් නෑ පුටුවක් හරස් කරලා තියෙන්නේ .මළ මුත්‍රා ගඳ ගේ ඇතුළින් එනවා .

මට ඒ දේවල් දැක්කාම කියාගන්න බැරි තරම් සිතිවිලි ගොඩක් හිතට එන්න ගත්තා මට ඒවා ලියලා තේරුම් කරන්න බෑ . බඩු පාර්සලය අරගන්න අම්මා ගොඩක් පින් දුන්නා .

මම තීරණය කළා පෝය දවසට විතරක් නෙවෙයි මේ කටයුත්ත දිගින් දිගට කරගෙන යන්න ඕනේ කියලා .අපි ගිය ගොඩක් ගෙවල් වල මිනිස්සුන්ගේ අසරණකම කියාගන්න බැරි තරම් .

මේ ගෙදර අන්ධ අය තුන්දෙනෙක් ඉන්නේ .

මේ ගෙදර ඉන්න තුන්දෙනාම අසනීපයි මල්ලිටයි නංගිටයි ඇවිදින්න බෑ ඔයා බඩු මල්ල ගන්න අම්මට ගොඩාක් අසනීපයි .

මට ඇත්තටම වෙසක් කූඩුවක් හදලා සරසන්න බැරි වුණා ඒත් මං ඒ ගැන දුක් වෙන්නේ නෑ.
පහුගිය අවුරුදු වල වගේ අපේ යාළුවොත් එක්ක එකතු දන්සැල් දෙන්න බැරි වුණා මම ඒ ගැන දුක් වෙන්නේ නැ.
පහුගිය අවුරුදු වල වගේ කට්ටියත් එක්ක එකතුවෙලා තොරන් බලන්න යන්න බැරි වුණා මම ඒ ගැන දුක් වෙන්නෙත් නෑ .

මගේ හිතේ පුංචි සතුටක් ඉතුරු වෙලා තියෙනවා මේ වෙසක් පෝය ගෙවපු විදිය ගැන .

මට ඒ වැඩ කරද්දි උදව් කරපු හැමෝටම ස්තුති කරන්නත් මේ වෙලාවේ අමතක කරන්නේ නෑ .