ගලේ පන්සල
අද නවම් පුරපසොළොස්වකපොහෝ දිනයයි. ඒ වගේම වසරේ දෙවන පුර පසොළොස්වක පොහොය දිනයයි.
බෞද්ධයෝ හැටියට අපි අඩුම තරමේ පුරපසොළොස්වක පොහොය දියනයට විතරක් වත් පන්සලකට ගිහින් මලක් පුජා කරල බුදුන් වැදලා එන්න පුරුදු වෙලා තියනවා. අපිත් කවදා නැතත් පුර පොහොය දිනට නම් පන්සලකට ගොඩවෙලා මලක් පහනක් පුජා කරන්න අමතක කරන්නේ නැහැ. ඒ වගේම අපි එකම පන්සලට නැතිව වෙනත් වෙනත් පන්සල් වලටත් යන්න අමතක කරන්නේ නැහැ. ඒ වෙනත් බුදු කෙනෙකු ඉන්න නිසා නෙවේ ප්රදේශයේ තියන අනෙකුත් පන්සල් දැක ගැනීමේ ඇති ආශාවටයි.
අද අපිට අවස්ථාව ලැබුණ කිරිල්ලවල වෑබොඩ ප්රදේශයේ පන්සලකට යන්න. ඒ තමා වෑබොඩ ගල්ලෙන් පුරාණ රජ මහා විහාරය එහෙමත් නැත්නම් ගලේ පන්සල. ඉතා පැරණි විහාරයක් වන එය වළගම්බා රජ දවස කරවූ එකක් ලෙසයි හැදින්වෙන්නේ. මේ පන්සල පුංචි සිරි පාදේ කියන නමිනුන් නම් කරනවා. එයට හේතුව වන්නේ මේ විහාරස්ථානයේ ගල උඩ බුදු රජාණන් වහන්සේගේ ශ්රී පතුල ගලක් මත කොටා ඇති නිසා. බොහෝ සෙයින් දඹුල්ල රජ මහා විහාරයට සමාන කමක් ඇති මේ විහාරයේ ඇඳි චිත්රද දඹුල්ල රජ මහා විහාරයේ ඇති චිත්ර වලට බොහෝ සමානකමක් තිබුණ. පැරණි නටඹුන් රාශියක්ද විහාරයේ පිටුපසට වන්නට දැක ගත හැකි වුණා. පහත මාලයේ පැරණි බුදු ගෙයකට අමතරව විශාල බෝධිඝරයක් ද දැක ගත හැකි වුණා. චෛත්ය රාජයාණන් වහන්සේ නම් අලුත කර වූ එකක් ලෙසයි දි මට ස් වුණේ. මම ඒක ගැන හරියට කියන්න දන්නේ නැහැ. ඒ මට පෙනුණ ආකාරයයි. මෙයින් එපිට කළු ගල් මත ඉදි කරන ලද වෙහෙර වහන්සේ නමක්ද වැඩ සිටිය.
ශ්රී සුමන සමන් දෙවියන් ගේ ඉල්ලීම මත බුදු රජාණන් වහන්සේ ශ්රී පතුල තැබූ ආකාරය දිස්වන සේ නෙලන ලද ඉපැරණි පිළිම කීපයක් ඒ කළු ගල මත ඉදි කර තිබීම මේ පුද බිමේ මා දුටු විශේෂත්වයයි. ඊට අමතරව ඝන්ටාර කුළුණක්, චෛත්යක් සහ පිළිම වහන්සේ නමක්ද දැක ගත හැකි වුණා. කදු මුදුනට නැගූ පසු මුළු කොළඹ ප්රදේශයම දැක ගැනීමට හැකි වීම හරිම චමත් කාරයි. කොළඹට ආසන්නව මෙවැනි ඉපැරණි ගලේ පන්සලක් තිබීම පුදුම සහගතයි.
මගේ නිවසේ සිට කිලෝ මීටර් විසි පහකට පමණ දුරින් පිහිටි මේ පුරාණ රජ මහා විහාරය මා නැරඹු මුල්ම අවස්ථාව මෙයයි. කටාරම් කෙටු ගල යට පිහිටි බුද්ධ මන්දිරය තුල පැවති සිතල වටපිටාව, බිත්ති මත ඇති ඉපැරණි සිත්තම්, සැතපෙන බුදු පිළිමය අප කාගේත් සිත් සොරා ගෙන තිබුණ. මේ හා සමාන පන්සලක් ලෙස මට දැක්විය හැක්කේ අස්ගිරිය පුරාණ රජ මහා විහාරයයි. ඒ පන්සලත් කරවා තිබුණේ වළගම්බා රජු දවසයි.
මෙවැනි ලස්සන වටපිටාවක බුදුන්ට මල් පහන් සුවද දුම් පූජා කර ලබා ගත් පින් මෙය කියවන ඔබටත් අනුමෝදන් වෙත්වා කියා ප්රර්ථනා කරමින් මම නවතිනවා. ඔබට සුබ දිනයක් වේවා.
Thank you, friend!
I'm @steem.history, who is steem witness.
Thank you for witnessvoting for me.
please click it!
(Go to https://steemit.com/~witnesses and type fbslo at the bottom of the page)
The weight is reduced because of the lack of Voting Power. If you vote for me as a witness, you can get my little vote.
@tipu curate
Upvoted 👌 (Mana: 3/7) Get profit votes with @tipU :)
ගලේ පන්සල කිව්වම මං ඉක්මනට බැලුවා මොණරාගල තියෙන එකද කියලත්. හරිම පෞරාණික පෙනුමක් තියෙන ලස්සන පන්සලක්.
Kohomath parana pansal vala oya gathiya thiyanawane.