කලු හම | 5% to SL Charity
කලු පාට සමහර වෙලාවට සංඛේතවත් කරන්නෙ අඳුර, අවාසනාව, කෝපය, ගුප්තබව වගේ දේවල්. ක්‍රිස්තියානි ආගමේ අවමගුල්වලදි අඳින්නේ කලු පාට. විරෝධතාවකදි බඳින්නෙ කලු පාට පටි. නිර්වචනවලට අනුව නම් කලු පාට කියන්නෙ එහෙමම අවාසනාවන්ත පාටක් නෙවෙයි.
වර්ණ මනෝවිද්‍යාවේදී, කළු යන්නෙහි වර්ණ අර්ථය අභිරහස, බලය, අලංකාරය සහ නවීනත්වය සංකේතවත් කරයි.
source
කලින් අපේ සමූහයෙ තිබුණ තරඟයකදි මං දැක්ක දෙයක් තමයි කලු වර්ණයට කැමති අය ගොඩක් ඉන්නවා. කලු පාට වාහන, කලු පාට ඇඳුම්, කලු පාට ලැප්ටොප්, ෆෝන්, ඔරලෝසු වගේ දේවල්වලට ගොඩක් අය කැමති කියල ඒකෙන් මට තේරුණා. මගෙත් එහෙම කැමති දේවල් තියෙනවා. ඒවට කලු පාට තරම් වෙන පාටක් ගැළපෙන්නෙ නෑ.
ඔය කොච්චර කතා කිව්වත් කලු පාට ප්‍රශ්නයක් වෙන්න ගන්නේ ඒක හමේ පාට වුණාම. මේක කොල්ලොන්ට එච්චර ප්‍රශ්නයක් නෙවෙයි කියන එක තමයි ලංකාවෙ ඉන්න මිනිස්සුන්ගෙ අදහස. හැබැයි ඔයා කෙල්ලෙක් නම්, තත්ත්වෙ වෙනස්. ළමයෙක් ඉපදුන ගමන්, බලන්න එන නෑදෑයො විතරක් නෙවෙයි, අම්මා තාත්තා වුණත් බලන්නේ බබා සුදුයිද කියල.
ඉතින් එතකොට මං කලු බබෙක්. අපේ ගෙදර අනිත් දෙන්න දැන් කොහොම වුණත් පොඩි කාලෙ සුදුයි. අපේ අම්මා සුදු වුණාට, තාත්තා කලුයි. මට තියෙන්නෙත් ඒ පාට. කලු ළමයෙක්ට පොඩි කාලෙ ඉඳන් මූණ දෙන්න වෙන දේවල් තියෙනවා. සාමාන්‍යෙයෙන් අවුරුදු 4ක බබෙක් කියමු. අලුත උපන් පොඩි එකෙක් ළගට ගිහින් සෙල්ලම් කරද්දි කියනව, "අපෝ කලු ගෑවෙයිද දන්නෑ" කියල. මේක වැඩිහිටියන්ට සාමාන්‍ය විහිලුවක් වුණාට, අර ළමයා මානසිකව වැටෙනවා. එයා හිතන්න ගන්නවා කලු කියන්නෙ හරි නැති පාටක් කියල.
ඉස්සර ඉස්කෝලෙ යන කාලෙ නැටුම්වල, නාට්‍යවලට එහෙම ප්‍රධාන අයට, ඉස්සරහ පේළියට තෝරගන්නේ ලස්සන සුදු ළමයි. එතකොට කලු ළමයි පිටිපස්සෙ පේළියට. ඕක තව නරක වෙන්නේ, ඒ ළමයි තව ටිකක් ලොකු වෙද්දි. දෙමව්පියො වැඩිහිටියො ඔලුවට දාන තව එකක් තමයි, "මොනා හරි ටිකක් ගාලා සුදු වෙන්න. බලනෝ හැටි කලු ගැහිලා. ඔහොම ඉඳල කොල්ලෙක්වත් බලන එකක් නෑ."
ඕක ඇහුණට පස්සෙ අර ළමයා හිතන්නේ මොනා හරි ගාල සුදු වෙන්න. ගොඩක් වෙලාවට බ්ලීචිං ක්‍රීම් තමයි විසඳුම. අපි ඉස්කෝලෙ සාමාන්‍ය පෙළ කාලෙ උසස්පෙළ වයස්වල හිටපු අක්කලට ඔය පිස්සුව තිබුණා. කලු ළමයි සුදු වෙනවා මාසෙන්. අත් කකුල් එක පාටක්, මූණ විතරක් සුදුයි. ඕක රැල්ලක් වගේ තිබුණා ඒ කාලෙ. එතකොට මං ඒ රැල්ලෙන් ගැළවුණ කෙනෙක්. මං සතුටු වෙනවා මෝඩ වැඩ නොකර හිටපු එකට. අර ළමයින්ට බනින්න බෑ. සමායෙන් ඔලුවට දාල තියෙන්නෙ කොහොම හරි සුදු වෙන්න කියල.
ඊළඟ ප්‍රශ්නේ එන්නේ වෙඩින්වලට යද්දි. මේකප් දාන්න සැලොන් එකක්ට ගියොත් එළියට එන්නේ අම්මා තාත්තටවත් අඳුරන්න බැරි තරම් පාට වෙන්ස් කරලා. සිංහල මිනිස්සුන්ගෙ හමේ පාට ස්වභාවයෙන්ම අඳුරු වුණාට, ඒ පාටට ගැළපෙන ආලේපන සැලොන්වල නෑ. බටහිර හමේ පාටට ගැළපෙන ඒවා තමයි තියෙන්නෙ. ඕක ගාගෙන ගියාට පස්සේ එතන විහිලුවලින් බේරිල අඬන්නැතුව ඉන්නවා කියන්නේ වෙනම වැඩක්. "ආ මේ මෙයානේ, මේකප් එක නිසා අඳුර ගන්න බැරි වුණා."
මට ඕක නිසා මේකප් කරනවා කියන එක පේන්න බැරි කාලයක් තිබුණා. මේකප් නොදා වෙඩින් එකකට ගියාම ඒකත් ප්‍රශ්න. වයසක ඇන්ටිල මේකප් දාලා මූණ සුදු කරන් ඇවිත් අපෙන් අහනවා ඇයි ඔහොම ආවෙ කියල. එතකොට ඉතින් හිතර එන උත්තර කටෙන් කිව්වොත් නෑකම් නැති වෙන නිසා කට පියන් ඉන්න ඕන.
කොහොම හරි ඉන්න පාටට මේකප් දාගෙන ගියාම ඊළඟ ප්‍රශ්නේ "කොහෙන්ද මේකප් දැම්මේ. කලුවටනෙ දාල තියෙන්නෙ. අපරාදෙ අපි ගියපු තැන ලස්සනට දැම්මනෙ." මෙතන මේ ලස්සන කියන්නේ සුදු කියන එක. වැරදිලාවත් මූණ ළඟට අත ආවම තමයි ලස්සන පේන්නේ. 😁
මේවාගෙන් ගොඩක් දේවල් මං අත්දැකපු දේවල්. ඔබත් මේ තැන් දෙකෙන් එකක ඇති සමහර විට. කලු පාට කැතයි කියන එක අපේ මෝඩ වැඩිහිටියො හදපු දෙයක්. ඒක ඔබත් ඉදිරියට අරන් යන්න ඕන නෑ. සුදු හමට වඩා කලු හමේ වාසි ගොඩක් තියෙනවා. කැමති නම් හොයල බලන්න. කලු හම වයසට යන්නේ හිමීට.
අනිත් දේ තමයි බ්ලීචිං කරපු හමවල් වල එන ලෝකෙ නැති ප්‍රශ්න. ආයෙ වෙනම බෙහෙත් කරන්න ඕන ඒවට. තත්ත්වය නරක් වුණොත්, හමේ යට ස්ථරවල තැන්පත් වුණ අහිතකර දේවල් අයින් කරන්න අමාරුයි. සමහර විට සැත්කමක් කරන්න වෙනව කියල මං අහල තියෙනවා. මට හිතෙන දේ තමයි, මේවගෙ අහිතකර ප්‍රතිඵල දකින්න වෙන්නේ ඉස්සරහට. මොකද මේ බ්ලීචිං, සුදු වෙන වැක්සිස් පාවිච්චි කරපු පරපුර තාම තරුණයි.
මොන පාට වුණත්, නිරෝගී සම තමයි වැදගත් කියල හිතන්න. අනිත් මිනිස්සුන්ගෙ ජීවිත, හැඟීම් කොනිත්තන එක නවත්තන්න. ඔබට සුදු හම ලස්සන වගේම තව කෙනෙක්ට කලු හම ලස්සන වෙන්න පුලුවන්. කාටවත් මානසික වධයක් නොවී ජීවත් වෙන්න. කොයි දේත් තාවකාලිකයි. අපි යද්දි දාල යන්න වෙන්නේ. 💕
Ki denekwa matak wenawada itin 🤭.
Mata dawasak saloon eka mama kiwwa, eya dawasak hame patata galapenna makeup dammama akka kenekta, tawa sudu karala makeup krnna kiwwalu.
කට කට.
ඒ වගේ උන් නිසා අපිටත් මළ වදේ. අහිංසක අපිටමයි පීඩා විඳින්න වෙන්නෙ.
අපි නොසැලී ඉමු.
meka aththak..godak Ms. or Mrs world compition waa issarahatama enne Kalu Hama thieyne aya.. it's another level of beauty😍
ළඟක ඉඳන් ඒ ට්‍රෙන්ඩ් එක තියෙනවා ලෝකෙ. ලංකාවෙ නැති වුණාට.
කලු නම්කි
I am proud of it.
I recently saw this titok. The speaker asked to name one thing that looks sexy in black which was answered in return as "people". It was a such a nice, yet a timely attitude for our society.
this will not happen in Sri Lanka though. We are far behind that status.
කලු කිව්වාම මතක උනේ අපේ අම්මා නිතරම කියන්නේ කලු ඇරෙන්න වෙන පාටකින් ඇදුමක් ගන්න ඇත්තටම බැරිද කියලා 🤭
කලු ඇඳුම් වගේ නෙවෙයි ඒක හමේ පාට වුනාම
this is true friend. I'm not from the skin, because when good people are not all white, I judge people with kindness, kindness can change us for the better. If you think black is a big problem, don't worry about it and don't blame it, because kindness can change everything. beautiful article😍
that's how people should measure others. kindness is a good one to decide whether someone is beautiful or not.
this is just a feeling on goodness, when someone looks beautiful is not necessarily good. and don't have bad feelings for others so that it is easy for us to raise the family to stay close
ඔව් UV rays වලින් skin cancer ඇතිවෙන්න තියන ප්‍රවණතාවත් අඩුයි කියල මම අහල තියනව
මාත් අහල තියෙනවා ඒක. මෙලනින් වැඩි නිසා ආරක්ශාවක් තියෙනවා ඒකෙන්. මේ වගේ රටවල ඉන්නකොට ඒ ආරක්ශාව අවශ්‍යයි.
එහෙම අයනම් මාත් ඕන තරම් දැකල තියෙනවා..🙊🙊
ඒත් මටත් තියෙන ප්‍රශ්නෙ තමයි මෙකප් දාද්දි ගොන් විදියට දාන්නෙ මොකද කියල.🤔 ගොඩක් අයගෙ තියෙන මූනට වඩා කැතයි..😁😂
ෆොටෝ වලට ලස්සනට පේන්නනේ ඒම දාන්නේ. එතකොට ඉතින් ළඟ ඉඳන් බලද්දි තමයි අවුල.
මම මේ දේම දැක්කා concert එකක නැටුමකට ළමයි තෝරනකොට. ඇත්තටම මං හිතන් හිටියෙ මමත් කලුයි කියලා ඒ කාලෙ. කොච්චර හිත රිදුණද කිව්වොත් fair n lovely පවා ගෑවා. චූටි කාලෙ ඉඳලම බබාලට කියලා දෙන් ඕනෙ තමන්ගෙ පාට තමයි ලස්සනම පාට කියලා.
නොතේරෙණ වයසෙ පොඩි එකෙක් මානසිකව වැටෙන්න පුළුවන් ඒම දේවල් නිසා.
වැඩිහිටියො ඒ වගකීම ගන්න ඕන.
සෑහෙන වටින කතාවක් අක්කෙ...ඇත්තටම සම කියන්නෙ අපි පරිස්සම් කරන්න ඔනිම දෙයක්..කලු උනත් සුදු උනත්...මම දැකල තියෙනව hospital එකට යන සමහර වෙලාවල් වලට ගොඩක් අය ඉන්නව රටේ නැති ඒවා ගාල හම තුවලා කරන් බෙහෙත් ගන්න ඇව්ල්ලා ඉන්නව...😥