The Good Bad Mother

_source
ඉතින් යාළුවනේ කිව්ව වගේම අද මම ආවේ බලපු ලස්සනම korean drama එකක් ගැන පොඩි විස්තරයක් ලියන්න.එක දිගටම love stories බලපු නිසා පොඩි වෙනසකටත් එක්ක මට ඕන උනා පොඩි වෙනස් කතාවක් ගැන පදනම් වුණු drama එකක්.ඉතින් මම පුරුදු විදිහටම korean drama කාලා ඉන්න මගේ යාලුවගෙන් ඇහුවම එයා recommend කරපු drama දෙක තමයි Flower of Evil සහ The Good Bad Mother කියන dramas දෙක. ඇත්තටම දෙකම එක වගේ ලස්සනයි.දෙකෙන් මට ගොඩක් දැනුනේ නම් The good bad mother , drama එක.ඉතින් මේ drama එකට IMDb 8.4ක ඉහළ අගයක් ලැබිල තියෙන එකෙන්ම ඔයාලට හිතාගන්න පුළුවන් ඇති drama එක මොනවගේ level එකකද තියෙන්නෙ කියල.Drama එකේ ප්‍රධාන චරිත ලෙස ගොඩනැගෙන්නේ මවගේ සහ පුතාගේ චරිතයි, කතාව මට නම් ගොඩක් Emotional.අම්මා කෙනෙක් ළමයා වෙනුවෙන් කොයිතරම් කැපවීම් කරනවද කියලා කතාව පුරාවට හරි ලස්සනට ඇස් වලට කඳුළු එන තරමට අධ්‍යක්ෂණය කරන්නත් , මේ චරිත රංගනයේ යෙදෙන්නත් සමත් වෙලා තියෙනවා.හරි කතාව ගැන පොඩි සාරාංශයක් දෙන්නම්.

_source
මේ කතාවේ තාත්තා මුලදීම ඝාතනය වෙනවා, අම්මට අවශ්‍යයි පුතාව අනාගතයේදී නීතීඥයෙක් කරන්න.ඉතින් ඒකට අම්ම සෑහෙන්න කැපවෙනවා ඒ වගේම, ළමයව්ත් ඒ වෙනුවෙන් සෑහෙන්න උනන්දු කරවනව. ඉතින් ළමයාගේ ලොකු කැමැත්තක් පොඩි කාලෙ ඉඳලම මේකට තියෙන්නේ නැහැ.කොහොමහරි මේ ළමයා නීතිඥයෙක් වෙනවා ඒ වගේම ඔහු අම්මට කැමැත්තක් ඇත්තෙම නැහැ, ඒ වගේම අම්මා ගැන ලොකු සැලකිල්ලක් දක්වන්නෙත් නැහැ.ඉතින් මේ අතරේ
මේ නීතිඥයෙක් වුනු ලමයට හදිසියේම සිදුවන අනතුරක් නිසා කතාව සම්පූර්ණයෙන්ම කණපිට පෙරලෙනවා.ඒ වගේම අපි හිතුවත් නැති පැත්තකට කතාව හැරවෙනව.ඉතින් ඊට පස්සේ නම් කොටසෙන් කොටස කුතුහලය දනවමින් කතාව ඇදෙනව.ඔයාටත් free වෙලාවක් තියෙනවා නම් සැකනැතුව බලන්න හොද drama එකක් විදියට මේක මමනම් recommend කරනව.