Steemit Student projesidən "One Steem Lottery" || Club100

Əziz dostlar, əziz tələbələr, bildiyimiz kimi Steemit Azerbaijan topluluğu "Steemit Student"projesini ayaqda tutmaq üçün bir çox yeniliklərə imza atır. Admin heyəti çalışır ki, qısa zamanda Steemit üzərində Azərbaycandan və dünyanın hər yerindən buraya qatılan tələbələri bir arada toplasın, onlara yaratdıqları məzmunlara, fəaliyyətlərinə görə müəyyən miqdar ödüllər paylasın. Daha da yaradıcı olmaları üçün burada stimul verilsin.

Bu məqsədlə yola çıxan topluluğumuz "One Steem Lottery" adlı xeyriyyə məqsədli, əyləncə xarakterli oyunlar təşkil etmək qərarına gəlmişdir. Məqsəd Steemitçilərin burada keçirdikləri zamanı daha əyləncəli hala salmaq, şanslarını sınayaraq sonunda qazanmaq imkanı yaratmaqdır.

Logo "One Steem Lottery"

Bu yazıda "One Steem Lottery" haqqında ilkin bilgiləri verməyə çalışacam. Loteriya qaydaları və şərtləri haqqında zaman-zaman yenilənmələr olacaq. Daha uyğun, daha səmərəli olacaq fikirləri əlavə edəcəyik. İlkin variantda loteriyanın keçirilmə məqsədi Steemit Student projesinə xeyriyyə yardımı etməkdir.

Bu necə olacaq?

1 biletin dəyəri 1 steem olaraq müəyyən edilir. 1 steem = 1 ticket
İndi gəlin detalları açıqlayaq. Məsələn, sabah 1-ci tirajın biletlərini satışa çıxarırıq. Satılan biletlərdən əldə olunan gəlirlərin 50%-i uduş fonduna daxil edilir. Yerdə qalan 50% hissə xeyriyyə məqsədi ilə Steemit Student projesinə köçürülür. Loteriyanın əsas üstünlük və güvənverici hissəsi bilet satışının və hansı rəqəm altında olmasının dəyişdirilə bilməməsidir. Blockchain texnologiyası bizə imkan verir ki, biz bunu güvənli və şəffaf şəkildə təşkil edək. Ümid edirik ki, təşkil etdiyimiz hər tiraj maraqlı və daha əyləncəli olacaq.

Bilet sıralanması aşağıdakı qaydada olacaq:

Məsələn, simvolik olaraq bilet nömrəsi 1S-001-2022-0001

Açıqlaması 1S- 1Steem adlı loteriya oyunu, 001 tiraj sayı, 2022- hansı ilin olması və 0001 sizin biletin nömrəsi.

Sizlər bilet almaq istəyərkən Steemit hesabınızın wallet hissəsinə daxil olaraq transfer hissədə aşağıdakı qaydada yazırsız.

Bir profil istədiyi miqdarda bilet sifariş verə bilər. Oyunlar canlı yayımla xüsusi proqramla insan əli dəymədən tam şəffaf şəkildə keçiriləcək, qaliblərə steemlər manuel olaraq dağıdılacaq. Bu etdiyimiz loteriya əyləncə və xeyriyyə xarakteri daşıyır, heç bir komersiya məqsədi yoxdur. Sadəcə Steemit Azerbaijan və Steemit Student topluluğunu əyləncəli, maraqlı etmək üçün planlanmışıdır.

Steemit Azerbaijan Team