Hello Steemit🤚🏻

Salamlar, Steemit Azerbaijan ailəsi. Bu topluluğa qoşulmaq mənim üçün yeni bir başlanğıcdır. Mən isə başlanğıcların uğurlu olacağına inanıram. Gəlin sizlərlə tanış olaq.
Mən Şəlalə. Azərbaycan Tibb Universitetinin Əczaçılıq fakültəsini bitirmişəm. Magistr təhsili alaraq kariyeramın daha yaxşı olacağını düşündüm. Ele de oldu. Məncə, təhsilim haqqında bu qədər bəsdir. İndi gəlin birazca həyatdan danışaq.
Bəzən düşünəndə deyirəm ki, həyatım sıxıcı və bir o qədər də maraqsızdır. İş-ev arasında mövcud olmaqla keçir. Amma sonra da tez bu fikirlərdən yayınıram. Bir insan həyatına nələri sığdıra bilirsə mən də çalışıram buna, hətta deyərdim ki, daha çoxuna da nail olum .

Günlərimin necə keçdiyini soruşsanız deyərdim ki, qulaqcıqlarımı taxıb uzun-uzun yeridikdə rahatladıqdan sonra təlaşla hazırlaşıb işə getməklə günə gözəl bir başlanğıc etmiş oluram. Kitab oxumağı, film izləməyi çox sevirəm. Daha nələr saya bilərəm ki, bu yorucu həyatda ruhumu dinləndirir. Hansı ki, onlar nə çox vaxt, nə də qarşılığında başqa bir şey tələb edir.

Yağışlı bir gündə bir fincan çayın pəncərədə buraxdığı buxara gülən üz çəkməyi siz sevmirsiz, yoxsa?
Belə dəyərli, Steemit Azerbaijan ailəsi. İlk tanışlıq yazımla bloguma başlayıram. Çalışacam sizi tez-tez narahat edim. İnanıram ki, bura mənim həyatımda yeni bir rəng olacaq.