BU DƏFƏ PİTİ BİŞİRDİM - MƏNCƏ İLK DƏFƏ ÜÇÜN ƏLA ALINDI 😊

Salam, dəyərli #SteemitAzerbaijan əhli, nə cürsüz? Yaxşısız məncə.

Doğa ilə Bismillah eləmişdim, gördüm nəsə bişirə bilirəm. 🙂 link

Bu gün isə düşündüm, nə bişirim nə bişirməyim, tıp, piti ! Nə lazımdır ilk öncə gil qablar. Yerli kafelərinin birində piti qabları artıq olduğundan olduğum evə artığın gətirmişdilər. Əsas məsələ onlar idi ki, piti bişirmək üstündə dayandım. Eşitdim qazanda da bişirirlər, piti qabı olmasa (daha o piti olmur ki bozbaş fason bişey olacaq da)))).

Noxudu 3-4 saat qabaq qoydum suya. Yutubda baxdım bir-iki piti hazırlanma videolarına, hövsələm çatmadı sona qədər baxmağa. Çünki yeyəndə pitinin içində nələrin olduğunu onsuz bilirik. Əsas məsələ, bişirmək üçün nələrim var hazırda.

Quzu əti, quyruq, noxud, soğan . Bəs bu şami-qəribanda şabalıd və alça turşusu, hələ zəfəranı necə tapım?🤔🙂

Noxudu, əti, quyruğu qablara yerləşdirib üzərinə su əlavə edib qoydum qaz duxovkasına. Bir az sonra kəfini yığmağa başladım. Xırda doğradığım soğanı hər qaba iki böyük qaşıq qədər əlavə etdim.

Gördüm altı tək setkadır tez qaynayır suyu azalır.😃. Tez qalın bir tavaya yığıb qoydum duxovkaya ki öz vamı ilə xımır-xımır bişsin.

Dedim onsuz şabalıd, alça qurusu yoxdur. Özüm nəsə əlavə edim, təcrübə olsun. Qəşəng xırda pomidor var idi. Hər qaba birini iki hissəyə bölüb tökdüm. (Gələn səfər bütöv tökərəm)))). Pomidoru alça turşusu yerində fərz etdim 😀. Qaldı şabalıd.

Şabalıd əvəzi də bir - iki kartof düşündüm. Kartofu qəşəng soyub, çox da iri olmayan dilimlərə ayırdım, hər qaba iki dilim əlavə etdim.

Puah, bişdikcə yeməyin ətrindən evdə məsti-xumar olurdum.
Hardasa 4 saatdan bir qədər çox vaxta hazır oldu. Artıq gecə yarı idi. Onu yeyib yatmaq Əzraillə qoz-qoz oynamaqdır, o enerjini sərfiyyata yönəltmək lazımdır😀😀😂. Tərslikdən özüm də subay.
Xülasə, necə deyərlər qazı açıq qoymayaraq yatdım. Obedə yaxın dostum gəldi, bir qazax tanışı da gəlməli idi, işə çağırmışdılar deyə gələmməmişdi (yemədi getdi😀). Elə dostumla oturduq, qəşəng qızdırdım yedik. Çox istədik pənco/pənco gedək. Razılaşdıq ki, pənco/pənco sabaha qalsın. Çünki, maşını ilə gəlmişdi. Onsuz yarısı qalıb. Soyuducuda aşağı rəfə qoydum.

Yeriniz məlum, nə getdi, nə getdi.... Dostum dedi mən Şəkinin özündə belə dadlı piti yeməmişdim. Bəlkə də mırtlaşdı, amma ürəkdən dediye, inandım. 😂😅.
Kak raz, sumaxım qalmışdı. Ondan yeyəndə səpdik üstünə, mən dəhşət göy-göyərti sevənəm deyə, nəsə tərəvəz də əlimə keçdi, ondan da doğradım bişərkən. Düzü bilmədim keşnişdir ya cəfəri filan... Çox gözəl, çix pakizə oldu hər şey... bəh bəh bəh...

Zəhmət çəkib oxudunuz... Hər anınız xoş olsun!