• "Dəyərlər" || #club5050 || 21.05.2022👉🏻 (100% beneficiaries for Steemit Azerbaijan)
Bilirsiniz, birilərinə həqiqətən yük olmaqdan, artıqlıq eləməkdən çox çəkinirəm. İsrar etməkdən, istənmədiyim və görülmədiyim yerlərdə fərqinə varmadan qalmaqdan çox qorxuram. Açılmayan hansısa qapını zorla açmağa çalışmaqdan, birinin məcburiyyətdən dözdüyü insan olmaqdan, istəmədən nəyəsə görə mənə yalandan sevgi göstərilməsindən qorxuram. Mən ki nifrətin belə içdən gələnini üstün tutanam. Buna görə insanlarla münasibətimi tez tez gözdən keçirirəm.
Sevgisini hiss etmədiyim insanlarla səmimiyyət qurmuram. Yolda tanış görəndə eyni yolda getdiyimiz halda yanında getmək , birlikdə yerimək üçün icazə alıram. Heçkimin həyatında qalmaqda israr etmirəm. Get dedirtmirəm özümə heç. Olmamalı olduğum yerdə məcburiyyətdən belə olmuram. Yük olma hissi çox qorxunc hissdi, insan küçədə yaşayar , kimsəsiz belə yaşayar amma bu hisslə yaşaya bilməz.
Yeridiyi yoldan belə vaz keçə bilməlidi insan.
Gözəl düşüncə və əla post, ikisi eyni yerdə. 🤌🏻
təşəkkür edirəm 👍🏻
Yük olmaq düşüncəsini fikirlərinizdən biraz da olsa atmağı məsləhət görərdim @alsum. İnsanlar ya özlərini yük edərlər ya da başqasının yükünə kömək edərlər. Siz bu yeniyetmə çağınızda bu məsuliyyəti özünüzə dərd etməyiniz həqiqətən məyus etdi məni. Dünya bir evdir. Fərqi yoxdur yaşadığımız ev hansı böyüklükdə olursa olsun. Bizi anlayan və ya anlamayan, sevdiklərimiz vəya sevmədiklərimiz, özümüzü yük hesab etdiyimiz və ya bizə yük olanlar hər kim varsa ətrafımızda biz istər istəməz vasitəçilik edirik. Əsas öhdəlik olaraq götürdüyünüz peşəni və ya işi layiqincə yerinə yetirməyiniz lazımdır. Uğurlar diləyirəm.
Yük olmaq düşüncəsini birgün fikirlərimdən ata biləcəyimi düşünmürəm. Bu yeniyetmə çağımda bəzi şeyləri dərk etmədən, gözdən keçirmədən yaşamaq yerinə, hər hissimi dəyərləndirməyə çalışıram. Məqsədim olduğum yerdə təpinmək deyil, bir addım belə olsa özümü irəli apara bilməkdir. Birilərinə vasitəçi olmaq deyil, yüklərinə kömək etmək istəyərəm. Daxili dəyər keyfiyyətlərimi ən yüksəklərdə saxlamaqdı istəyim. Digər işlər isə həll olacaq şeylərdi, əsas keyfiyyətli biri olmaqdı! Sizə də uğurlar..
👍