Ek aur trailer aaya iss film ka

Namaste London to dekha hi hoga apne ab usi ka director namaste england film bana raha hai. Director same hai bas actor badal gaye hai. Yaar sahi kahoon to mujhe Arjun Kapoor actor jaisa bilkul bhi na lagta hai. Pata nahi iss ko actor me kaise le liya hai. Waise ab wahi log actor ban sakte hai jo pahle se actor they ya filmi background se hai. Dusro ka ab koi chance nahi hai. 

Filhaal ye chodo aur ye dekho namaste england ka dusra trailer release hua hai. 

Video from pen movies

Trailer to bhai log mujhe sahi laga hai bhale hi Arjun Kapoor mujhe pasand nahi hai lekin iss film ka trailer sahi hai. Arjun Kapoor ki khaas baat ye hai ki iss bande ko filme achhi milti hai. Iss se pahle ek film banayi thi kya naam tha yaar uska. Haan yaad aaya Mubarakan naam tha iss film ka. 

Agar aap ne ye film nahi dekhi hai na to aap ko dekhni chahye mast comedy film hai mujhe to ye film behad pasand aayi thi. Matlab pichle saal kisi film ne mujhe entertain kiya tha to wo yahi film thi.

Half girlfriend bhi suna tha ki achhi thi lekin main dekhne nahi gaya tha. Waise uske songs sab kamaal ke they aur actress Shraddha kapoor ki to cuteness ki baat hi mat karo yaar kitni cute hai wo kasam se ab kya boloon main. Khair hum namaste england ki baat karte hai. Kya lagta hai aap ko ye film dekhne waale ho ki nahi? 

Agar aap ne iss film ka pahla wala trailer nahi dekha hai to yaha se dekhiye. First trailer dekhne ke baad jyada samajh me aayega. Film ki kahani sahi hai agar time mila to main jarur dekhne jaaunga. 

Video from pen movies