nut bolt ki laga sakte hai unit

Hello Dosto, Agar aap ke pass 2-3 lakh rupya hai to aap achha business shuru kar sakte hai aur iss business par aap ko sarkar ki taraf se mudra loan bhi milega. Aap ko 80% tak mudra loan mil jaayega aur kya chahye business ke liye. Aap ko bas 20% ka hi to jugaad karna padta hai agar aap 2-3 lakh jugaad kar lenge to achha khasa business shuru kar sakte hai. 

Image Source pandeyindustries.in

Chaliye aise hi kuch business ke baare me main aap ko bataunga jiss me mudra loan milta hai. Aur aap ko kitna investment karna pad sakta hai ye sab bhi main aap ko bataunga apne iss post me aur aane waale kuch post me. 

Light engineering unit shuru kar sakte hai aap. 

Main kiss business ki baat kar raha hoon aap samajh gaye honge. Agar nahi samjhe to main aap ko batata hoon. Nut, bolt, vaasar. ye sab to jaante hai na aap ye ghar ke electrician kaam me madad aati hai. Iss ki aap factory laga sakte ho. Iski unit lagti hai aur jo machine se ye saare nut bolt wagera bante hai. Main isi ki baat kar raha hoon iss kaam me loss hone ka khatra kam hota hai kyo ki aise chijo ki jarurat sabhi ko hi padti hai. 

Kitna hoga investment. 

Iss business ka pura module sarkar ke pass taiyaar hai matlab kaise business shuru hoga aur kitna kharcha aayega sab sarkar ne pahle hi tay kar rakha hai isliye aap ko jyada mehnat aur dimaag lagane ki jarurat nahi padegi. 

Kharche ki baat kare to aap ke pass kam se kam 2 lakh rupya hona chahye. Baaki ki madad sarkar loan de kar karegi. 2.5 lakh rupya tak term loan mil jaayega aur 2.5 lakh working capital loan mil jaayega. 

Iss business me kaafi faayda hai aap har saal 2 lakh se bhi jyada kama sakte hai. Baad me apna business bhi badha sakte hai. Aise hi kuch aur business ke baare me main aap ko apni agli post me bataunga. Tab tak ke satarak rahiye aur saudhaan rahiye.