Credit card lene se pahle ye padhe

Hello Dosto, Kayi baar humare mobile me credit card waalo ka call aata hai, kayi baar to hum pareshaan ho jaate hai lekin kayi baar hum bhi sochte hai ki banwa hi li jaaye credit card. Aise me agar aap bhi credit card banwana chahte hai to fir aap ko uss call waale aadmi se kya sawaal puchna hai. Ye saari jankaari aaj main aap ko dunga, Taaki aap thug se bach sake. 

Image Source Pexels.com

Iss ka proof jarur maange. 

Dosto kayi baar jab call aata hai to wo fir lambe lambe chodne lagte hai, Alag alag offer batate hai. Agar aap telemarketing se card banwana chahte hai to fir aap un offer ka proof jarur maange jo offer ki wo baat kar rahe hai. Kayi baar aisa hota hai customer offer ko thik se samajh nahi paate hai aur card le lete hai aur wo call executive to bewaakoof banane me expert hote hai. 2 minut unse baat karoge to aise convenience karenge ki aap unki baat maan hi loge. 

Offer ka proof likhit me le.

Kayi baar aisa hota hai ki wo bolte hai ki card ka koi charge nahi lagega, Annual charge jo hota hai. Sabhi credit card waale annual charge karte hai. Lekin kuch log bina charge ke bhi credit card offer karte hai aur kuch log jhuth bol kar credit card de dete hai ki annual charge nahi lagega lekin fir sala statement ke saath credit card ka charge bhi add kar dete hai. Unko to bas credit card dene se matlab rahta hai ek baar aap credit card le loge fir to aap ko charge dena hi padega isliye dosto jab bhi aisa kaha jaaye ki card ka koi charge nahi liya jaayega to aap iss ka likhit proof le le. Ya fir koi aisa proof maange ki wo fir charge kare to aap dikha sake. 

Kya lena hai ye pahle soch le.

Credit card bhi alag alag parkaar ke hote hai, koi travel ke liye to koi shopping ke liye to kuch baahar restaurant me foods khaane ke liye. Kuch cards me ye sab me points offer wagera milte hai. To aap ye dhyaan de ki aap ko card chahye kiss liye. Matlab aap ko card kiss chij me istemaal karna hai usi tarah ka card apne liye chune. call executive jo hota hai uska main maksad card bechna hota hai wo aap ko ye sab sahi jankaari nahi dega ye sab aap ko khud se puchna hoga. 

Aise hi aur jankaari main aap ko apni agli post par dunga isliye meri agli post ko padhna na bhule aur dosto jankaari sahi lage to mujhe follow jarur kar lena.