Akhe djieh basa Aceh ka geusah bak esteem le @goodkarma

Saleum Stemian!

Pu haba syedara-syedara loen njang na disinoe! Tameulake beu beugeubi sihat dan beu'djioh bala geubi Le po teuh Allah.

---

---

Seunang that hate Uloen malam njoe,
Seubab esteem njoe basa Aceh ka na,
Ka mangat teumuleh djino bak Kamoe,
Malam Ngon Uroe Sang Teubleut Mata.

Seubab hai Wareh basa Nanggroe droe,
Mangat Bak Tampoe Peuteubit Haba,
Awai Dilee koen ngon Basa Toko,
Alhamdulillah djinoe ngoen Basa Lagenda.

Phoen Di teubiet Basa Luwa Nanggroe,
Tatuleh Meucawoe Peuloem Tabaca,
Baroe o'Lheuh Nyan ka teuka Dudoe,
Bahasa Toko Ngon Bahasa Lagenda.

Meunjoe Baroe koen payah hai Wareh,
seubab basa inggreh tanjeut loen baca(peu lom basa korea),
Mula'ie malam njoe basa Aceh loen tuleh,
Dak Sikrak Tatuleh Meuribe Awak baca..

---

---

Kamoe Ucapakan Teurimong Geunaseh,
Keu Rakan Wareh bapak @Goodkarma,
Mudah mudahan Pahala Teutuleh,
Beudithee Le Inggreh Bahasa Lagenda,

Bahasa CHIKTU beudithee Le Nanggroe,
Dak Jeud Beusampoe Ban Sigom DOENYA,
Sebab Jameun Nyoe Ureung Katuwoe,
Le yang Ka laloe Ngon Bahasa Jakarta,

Takalon Pakaian Hie Toke Busoe,
Meunyoe Siputroe Hie Manohara,
Duk Peugah Haba Bahasa Toko,
Kadang Sigoe Goe Bahasa Eropa,

Ayah digampong Peudara Lumoe,
Aneuk Lam Rantoe Peutimang Gaya,
Nyan Ban Ka Nyata Leumah Jinoe,
Akibat Laloe Ngon Bahasa luwa.

Takot Kampungan Dikheun Hai Cupoe,
Nyoe Bahsa Droe Tapeugah Haba,
Kepo lah Dikheun Nyoe Anuek Jinoe,
Peuloem Lawet nyoe macam bahasa...

Oh Noe Keuh Mantong Haba Bak Kamoe,
Maklum Malam njoe Peuphon Bahasa,
Pat Pat Na Kata Kadang Meucawoe,
Neu Peu Meuah Kamoe Bek Jeud Keudesya..

---

---

---