Saleum Rakan Steemit Meutuwah

Kiban haba sagoe nyan? Na bereih ka urosan pree uroe raya. Uloe Tuwan ka suwah bayeu utang nyou, hay peu utang laen keu geutanyou inong sihat lahee baten? Nyan hana pereulee surah lee, kon. Awak droun na tom neu deungo lagu "Uleu Raja Timoh" nyang Geu tuleh dan geu meulagu lee @pieasant aka Pane Amroe ngen Fuady Keulayu?

Nyan, Uloen Tuwan that galak keu lagu nyou, kon saweub loen turi awak nyou duwa nyang meulagu nyan, tapi menurot loen aneuk miet jameun jinou nak meudeh beu na tjareng peugot lagu nyang hayeu lagee nyou watee ta dodo sinyak lam ayon, pakoen? kon na lagu dodaidi atawa lagu laen? miseu niet teuh tanyou tanak peubiasa aneuk ngon Bahsa Aceh, Uloen tuwan peugah nyou salah saboh lagu nyang paleng paih. So galom teupeu peu nyan sagob atawa Uleue Raja Timoh? nyan hana payah jak komen peu lom Upvote keudeh. Malee bansa teuh.

seubeutoi jih mantong na padum boh lagu Aceh laen nyang Uloen Tuwan galak, lagee lagu Bang Teuku Admiral Kheun - Neu Ingat Keu loen, atawa Alm. Bang Mukhlis kheun - Wa Molee ngen Teu ingat u Gampong (nyang nyou na ji meulagu lee Fuadi Keulayu chit, tapi hana that bereih lagee Alm. penyanyi aseuli). Laen lom, na Bang Ill Mantong ngen Cut Miranda, judul jih Gaseh Sayang, teuma hana video, miseu nyang Bang Moritza Thaher kheun na syit saboih nyang judul jih "pho". Uloen Tuwan adak hana tjareng bak meulagu tapi na chit sigo-go muenyo watee latihan si Reza Idria galom troih, Geu yu kheun chit lagu Bob Marley - No Woman No Cry, adak pih keuno keudeh.. keu latihan awak meuén ben, ka jeut lah.

Nyan ban miseu nak peugot postingan nyang asoe jih Lagu Aceh nyang loen galak, saweub... mandum lagu nyang loen surah nyan lam bahsa Aceh tok hana meujampu lawok ngon Bahsa Toko, kon pih musik jih atra pinjam lagu gob alias menjiplak.

Nyou Ta lanjut lom ngen Konteh Tahap 2 beuh, awai ka na 6 drou nyang seureuta dan maseng-maseng ureung nyan ka lheuh loen kirem 0.03 SBD sapo buno beungoh. ureung seureuta nyan na keuh @takin, @ramadhanil, @rahmayn, @rajabuwah, @gaskun, @saiful.nizam, Teurimong Geunaseh/Sabah Meuluwah ateuh seureuta awak droun lam Konteh Jak Ta #Pehtem tahap 1. Galom na pemenang mutlak, adak meunan pih na nyang ka layak meurumpok hadiah juara III, saweub useuha sep watee geu tuleh nyan.

Kiban Cara Neu Peuteuntee Peumenang?

Ke phon loen kalon tata letak surah ngen alat, na photo na keterangan photo, meusaneut bahsa, hana meujampu lawok ngen bahsa toko, nyang arti jih karap 100 % Bahsa Aceh. Aleuh nyan loen kalon kiban asoe, peu na paih ngon judol Geuh? laen lom, mangat ta baca na, hana meu kah ku meunan that, panee na geutanyou ta teumuleh nyang akan Geu baca lee ureung laen nyang galom ta turi-sari padum umue dan peu galak geuh, ta khak saja lagee ta meuhaba bak bineh krueng sajan ngon seulayeu teuh.

Saweub nyan, Uloen Tuwan Bri Penghargaan ateuh @rahmayn seubagoe Nominasi Calon Juara. Ho Gata Teungku @lamkote, droun setuju?

Jak Ta #pehtem lom!

Cara Seureuta Konteh Jak Ta #pehtem Tahap 2

• Tuleh saboih postingan lam Bahsa Aceh, Gata pileh salah saboih bhah nyou:
  a. Urou Raya Loen Thon Nyou
  b. Lagu Aceh Nyang Paleng Meukeunong di hatee Loen, Saweub Lagu nyan ..... (nyan titek-titek Neu pasoe keudrou neuh)
  c. Pakon Hana so Vote loen, kiban adab bak steemit ..... saran Uloen Tuwan neu baca dilee atra hino atawa nyou beuh
• Judul Terserah Droun, Bek mandum judul Gata sampoih lam saboih tulesan, pileh salah saboih mantong.
• Gata Mention Sidrou Duwa Ngen nyang kira-kira Geu tem Jak Pehtem chit, tapi nyou hana wajeb, miseu Gata peugot lam tulesan droun, leubeh hayeu.
• Gata tuleh #pehtem seubago salah saboih tag tulesan nyan sigalom Gata posting (nyang laen terserah, han meuceh tag phon pih).
• Miseu ka Gata posting, tipek Link u tulesan nyan bak Komentar di miyup tulesan nyou, nak mudah Uloen Tuwan seutot.
• Gata cek dan vote tulesan ureung laen nyang seureuta miseu na watee, Gata komentar chit, nak meutamah rame ngon teuh. Ureung rame ngon, biasa jai vote chit.

Syarat Seureuta lam Konteh Jak Ta #pehtem

1. Gata Aneuk Seurideng ngon Reputasi 25-45
2. Gata Neu thee drou neuh dan seupakat ngon atoran nyou
3. Tulesan droun paleng kureung sion photo ngen 200 kata ( nyan bek neu keutik TTS beuh, Peu TTS? Ta Ta Sot hai!!)
4. Hanjeut Na photo dajeu atawa bhah teumeunak lam postingan Droun.
5. Hanjeut jak lakee vote Drou bak gob, malee teuh, saweub tanyou ta meu ngon, bak ngon hana suwah lakee vote.

Sampo Pajan Konteh Jak Ta #pehtem tahap nyou?

Dari 22/6/2018 Sampoán 30/6/2018 (neu reply ngen postingan gata di miyup)

Hadiah Konteh Jak Ta #pehtem tahap 2

Juara	Hadiah
I	2 SBD (sidroe)
II	1,5 SBD (sidroe)
III	1 SBD (sidroe)
Hadiah Hiboran	0.5 SBD (4 droe)
Seureuta	0.03 (mandum meuteumeung)
Favorit	akun vote pree 0.03 saboh postingan siuroe keu 30 uroe nyang yum jih 0.45 SBD *na syarat

Kiban nyang seureuta kali nyou tapi galom meunang?

Teunang mantong, Nyou teutap seureuta, sampo na ureung seureuta barou, enteuk ta peuteuntee keulayi (catatan na bak loen).

Sabah Meuluwah Uloen Tuwan Peutroih ukeu:

1. Cut Nyak @rayfa ateuh sumbangan 1 SBD
2. Teungku @denysatika ateuh sumbangan 1 SBD
3. Teungku @el-nailul ateuh sumbangan 1 SBD
4. Teungku @tuwanku-raja ateuh sumbangan 0.2 SBD
5. Teungku @dipoabasch ataeuh sumbangan 0.5 SBD
6. Teungku @akukamaruzzaman ateuh seudeukah 1 SBD
7. Teungku @lamkote ateuh rencana seudeukah 1 SBD
8. Ban mandum ureung nyang ka geu dukong Konteh Jak Ta #pehtem nyou, Nyang utama keu nyang seureuta
9. Hasee postingan awai 0.086 SBD kalheuh loen tamah keu loen kirem keu ureung seureuta 0.03 sidroe (6 droe)
10. Teungku @murizalpangeran ateuh sumbangan 1 SBD

OKMK .. tuleh aju beu hayeu, Geutanyou Aceh kon jak peurame Steemit mantong, ta meukawom kon keu hayeu-hayeu, miseu glaih lam Bahsa Indatu teuh, Insya Allah, glaih lam Bahsa Toko atawa Inggreh, Jerman, Spanyol, Arab, Portugis chit, Insya Allah. Hana suwah jak pajoih asam sunti dilee, peu lom jak pleu lidah ngon tapeh, oun keurusong atawa oun teubee. Bek meudaleh keu Uloen Tuwan teuma, saweub Konteh #pehtem, dum ureung ceurakee lidah geuh. Jak leh Jon... kon nyan niet teuh.

Nan Akun	Seureuta
@rzkfrzb	Nomboi 7
@rahmad.azhari	Nomboi 8