İLK DƏFƏ AYRAN AŞI (DOVĞA) BİŞİRDİM 🙂

Salam, #SteemitAzerbaijan ailəsi! Özünüzü yaxşı hiss edirsinizmi?

İki ildən çoxdan Vətənə gəlmirəm deyə bizim yeməklər hər yada düşəndə ağzımın suyu axır 😀

Fikirləşdim nə bişirim, vaxt az alsın, həm də resepti sadə olsun ilk üçün).
Düşündüm dovğa bişirim. Dovğa ölkəmizin müxtəlif bölgələrində müxtəlif cür bişirilir. Talış zonasının özündə də fərqli bişirilir.
Qazaxıstanda ayran, qatıq o qədər də rahat tapılmır, çoxu heç bilmir nədir?))
Neçə market gəzdim bir butulka ayran tapa bildim. Bu bir butulka ilə nə aş)). İki dənə kefir də aldım.
Gətirdim qəşəngcənə tökdüm qazana, qatdım, bir az un və bir yumurta da əlavə etdim, bir stəkan su ilə birlikdə qarışdırdım.
Amma, noxud tapa bilmədim, yarma formasında çöl noxudu tapdım, bir saat cəmi vaxt var idi deyə , həm də adi noxud deyildi deyə şişmək üçün az saxladım suda.

Həngamə bundan sonra başladı 😀🤭 qarışdır ha qarışdır, ta fıxıl-fıxıl qaynayana qədər . Çünki qarışdırmayanda çürüyür, mənim xoşum gəlmir elə bişəndə.

Hazır olana yaxım göy-göyərti nə düşdü əlimə doğradım tökdüm içinə). Doğa hazır oldu)). Bir neçə yerli də gəldi çıxdı, içdilər doyunca. Ləzzət elədi. Qalanı da tökdüm bankaya qoydum soyuducuya, yemək yeyəndə içirəm.

Bizdə ayran aşına dunə aş deyirlər. Talışca du- ayran, aş elə aş). Elə dovğa sözünün köküdə du sözüdür. Kökü pəhləvi dilində çıxır.

Görüm növbəti bişirdiyim nə olacaq?!))