火燎森騙子(袁炳輝)在Facebook所寫的文章(一)
Bitcoin係乜
比特幣在香港雖然已出現左幾年,但認識的人唔多,對於新人真係好似好難入手,點樣買賣、邊到買、點收藏、安全問題、香港有乜地方會用比特幣等問題,就算你係Google揾都唔會咁易得到所有答案。
而如果你咁啱入到你睇這個網站,多數都係火燎森介紹入來,唔知火燎森係邊個就去佢火燎森Fan Page睇啦。火兄係FB內介紹好多投資資訊,其中關於比特幣相信好多香港人唔係好明,因為都比較新,無乜人接觸過,所以我嘗試在這網站內整合資料方便新手快D上手,因為日後應用比特幣機會一定好多,所以早學早享受。
因為這網站內容針對初哥,所以各位高手如果發現有乜出錯,請通知我更正,先多謝大家。
如果大家對比特幣有乜問題亦歡迎電郵話我知,我會盡力為大家解答,我唔識答會找高手幫忙大家。
希望這個網頁可以分享有用和即時比特幣資訊給大家,讓大家可以一齊向上流,正如火兄成日講,我地難得找到風口,就要盡力盡快站在風口,當風一到時,最先起飛那一班人一定係我地,大家努力!
初心者先睇第一篇簡介...比特幣係乜?
比特幣是一種用去中心化、全球通用、不需第三方機構或個人,基於區塊鏈(Blockchain)作為支付技術的電子加密貨幣。比特幣由中本聰(Satoshi Nakamoto)在2009年1月3日,利用點對點技術(P2P)技術,由分散全球各地的電腦組成的複雜系統。比特幣是加密貨幣及區塊鏈的始祖,也是目前知名度與市值最高的加密貨幣。
根據CoinMarketCap現時Bitcoin已值1,631億,差不多相等於長江基建市值
因為比特幣使用開源軟體開發,而且不受任何公司任何人單一控制,所以任何人皆可參與比特幣活動,可以通過稱為挖礦的電腦運算來發行。香港一直以來也有不少人自行砌機去挖礦獲得比特幣,今年比較多新聞報導有90後少女和男友。
比特幣特點之一時協定數量上限為2100萬個,以避免通貨膨脹問題。唔似美元或其他貨幣可以由國家不斷印不斷貶值。基本上世界上現存比特幣只會少左,因為只要持有人唔記得密碼或者死左無留比後人,咁個比特幣就會係世界上消失。
比特幣雖然日日都會有新幣出產,但大約每4年產量會減半,最近一次減半在2016年7月9日,到2140年時,將不再有新的比特幣產生,最終流通中的比特幣將總是略低於2100萬個,以2017年計,流通中比特幣約一千六百多萬個。
比特幣另一特點是低手續費交易容易,只要你在任何地方,睇中任何一件物品或服務想買,就算遠至非洲、南極,只要有互聯網,就可以即時交易用比特幣付款,對方差不多即時收到錢,不用電滙又要被扣手續費,又要等一段長時間。
有人用Bitcoin買林保
免去中間人的麻煩
有左比特幣,過錢到任何人和地都超方便,如果大家試過做生意想滙大額金錢到香港以外國家,好多時都會遇到阻礙,簡單如由一間香港銀行外幣戶口過數去另一間香港銀行外幣戶口都要依靠電滙,而且要付高昂手續費。
使用比特幣是透過私鑰作為數位簽章,允許個人直接支付給他人,不需經過如銀行、清算中心、證券商等第三方機構,從而避免了高手續費、繁瑣流程、以及受監管性的問題。任何用戶只要擁有可連線網際網路的數位裝置皆可使用。
比特幣係一個的數位貨幣。而且係一個加密系統,每部電腦都會記錄每次比等幣交易記錄,然後和其他電腦同步,所以各電腦都有一樣交易記錄,無可能有人做假。
例如Peter要比錢Mary,Mary只須比佢個錢包收款地址Peter,Peter把Mary個錢包收款地址連同付款銀碼然後按Send,網絡上電腦就會確認交易是否偽造,收款人可要求確認幾多次才核實這次交易,當然核實次數越多時間會比較長。
每個比特幣都有一個公開地址和一個極長加密左私人密碼,全世界無另一個Bitcoin會有相同密碼。就好似每一張銀紙都有一個獨一無二號碼同各種防偽印花字體等。
邊到可以得到Bitcoin
想得到比得幣有以下幾個方法:
- 自己砌機挖掘,但要先付三四萬元,另加每月電費千多元,同埋要留意房間温度
- 直接到比得幣交易所買,建議到Tidbit買賣,因為好多師兄研究過比較放心安全。
- 到市面上比特幣ATM買,可到另這裡找港九各地址。
- 買雲比得幣合約(如Hashing24),另文再講。
買賣Bitcoin流程
BUY
想買比特幣只須跟隨以下幾個步驟:
- 到比特幣交易所開戶口
- 存錢入交易所戶口
- 睇啱價錢就可以買入比特幣
- 把交易所戶口內的比特幣存入你個入比特幣錢包
留意只有到柴灣Office入港幣或美元才免收手續費,銀行過數要收2%手續費。買比特幣要收0.3%手續費。
另外比特幣價跌可以用同一銀碼買多左比特幣,價升就買少左。唔好搞亂以為好似銀行換Yen咁,價升就換少左Yen。
Sell
想賣比特幣只須跟隨以下幾個步驟:
- 將你現有比特幣射去交易所戶口
登入後按BTC傍的存款就有個地址比你將比特幣射過來
通當要等一天左右會收到比特幣
- 按上方現貨交易,進入交易頁面
- 睇啱價錢就可以賣比特幣
- 把交易所戶口內的港元存入你指定銀行戶口
留意提款要收$50手續費,只多只可提二十萬,賣比特幣要收0.3%手續費。
比特幣錢包
比特幣錢包有兩種,一種軟,一種硬。
軟的指Blockchain,點樣開電子Blockchain錢包,另文再講。
硬的指Trezor,Ledger Nano S,KeepKey,Digital Bitbox等,但好多師兄和火燎森都推薦用Trezor,安全可靠,因為Bitcoin Wallet最重要係安全,同有起乜事時候救得返D Bitcoin。
想知點解火燎森唔推薦用Ledger Nano S可以睇以下條片
Trezor錢包你可以去官網買,一個€89(HK$836),三個€178(HK$1674),另加運費€26(HK$245) 。
不過有師兄做Reseller賣HK$700-8xx一個,如怕煩可聯絡佢地買。
比特幣ATM機
旺角,608 彌敦道,總統商業大廈,Chic 芝寶3樓,322 商店
Open hours:
24/7/365
中環永吉街6 號,誠利商場1樓,19 商店
荃灣地皇廣場大河道18號地皇廣場3樓329鋪
Open hours:
Mon-Sun: 11:00 am – 11:00 pm
香港灣仔軒尼斯道269-273號光華大廈1樓 (由史釗域道入)
Open hours:
Mon-Fri: 9:00 am – 6:00 pm
Sat-Sun: Closed
Studio Flat, 2/F 470F Reclamation Street
Mong Kok, Kowloon
Hong Kong
Open hours:
Mon-Sun: 1:00 pm to 8:00 pm