Word Poetry Challenge #10 : PAGSUBOK
orihinal na likha ni
@tinkerrose
Mabigat o magaan sa ating pakiramdam,
Ngunit sa ating isipan ito’y hindi humihiwalay,
Bagkos nakadikit kapalaran anong pakialam.
Ito’y pilit iniiwasan pero nakaguhit na sa sarili,
Kahit pilit kinakalimutan at ating pinaglalaban,
Simula’t sapul ito’y buong buhay sumpang pasan.
Isang dagok na maituturing ating pinapasan,
Na tayo’y mag aahon itong tawag ng kahirapan,
Maging isang sundalo at punan ang may kulang.
Saan at Sino ang siyang nararapat na kasapi?
Sa sariling bayan sigaw salitang katotohanan,
Walang masasandalan, Hustisya ika’y nasaan?