Word Poetry Challenge #5 Watawat ng Pilipinas

https://www.google.com.ph/search?q=philippine+flag+with+its+people&client=ms-android-samsung&prmd=inv&source=lnms&tbm=isch&sa=X&ved=0ahUKEwi7_rn8qLrbAhVZb30KHeWJB8UQ_AUIESgB&biw=360&bih=560#imgrc=Fsth_wVo_H-PIM:

---

Watawat ng Pilipinas, simbolo ng sariling Pagkakakilanlan.
Ating bigyang pugay ang di matatawarang kabayanihan
Na buong pusong ipinaglaban
Makamit lang ang minimithing kasarinlan.

---

Jose Rizal, Andres Bonifacio, Gregorio Del Pilar at mismong si Lapu-Lapu,
Ilan sa mga natatanging sundalo na buong tapang na isinulong ang kalayaan.
Kaya sa kanila tayo ay dapat magdamdam ng pasasalamat na kahit kailan ay di man malilimutan.

---

Gamit ang kanilang lakas at liham,
Napukaw ang natutulog na diwa ng sambayanan.
Isiniwalat nila ang labis na pangaabuso at panglulupig
Mula sa mga dayuhang manlulupig.

---

Ito ang nag udyok sa isang natatanging himagsikan,
Na nagpalaya mula sa impluwensya at panlilinlang ng mga dayuhan.

---

Kaya sa mga kabataan,
Ating tunay na pahalagahan
Ang sakripisyong itinaya ng mga dakila
Matamasa lang ang tunay na kalayaan at kagalakan.

---

Sanay taas noo tayong ibandira ang watawat ng pilipinas,
Na may buong pagmamalaki at pasasalamat.

---

Kung kaya't marami man ang nagbuwis ng buhay,
At mga kinabukasang natuldukan,
Ang ala-ala at kalayaan na ipinagkaloob nila sa bayan
Ay buong buhay na maaalala at mamumutawi sa puso't sa isipan na ibinabandira sa timog silangan.

---

Ako ay nagagalak na magsumite ng aking katha patungkol sa ating natatanging Watawat ng Pilipinas. Salamat @jassennessaj sa pagpili mo sa temang ito. Pagpalain tayong lahat at Mabuhay ka.