Word Poetry Challenge #22: Pag-Asa
![](https://steemitimages.com/640x0/https://cdn.steemitimages.com/DQmZvGUj6jiAy2pmYhqcWa8XHstz7DQajVwwqWLs2zpBk6N/photocollage_2018121234440550.jpg)
Pikit mata'ng iniwan kahit nasasaktan
Pilit mang itago sa kaibuturan
S'ya nama'ng namamalagi sa iyong kalooban
Puso mo'y dama ang kalungkutan
Tangi'ng pangarap sa pamilya'y maisakatuparan
Kapalit ng iyong kaligayahan
Kasama ang tibay at Pag-asa'ng namumuo
Kasama ang pamilya'ng di mo kaano-ano
Kitang-kita sakripisyo mo'y totoo
Salita mo man ay ubod ng saya
Boses mo man malakas sa tainga
Puso mo naman ramdam ang pag-iisa
Dahil sa Puso mo'ng puno ng pag-asa
Na Darating din ang isang umaga
Bibig, kilos at puso mo'y sasaya na
Dakilang tao kayong itinuri
Pinamalas niyo katatagan'g di mawari
Tatag ng loob ninyo sa pagpupunyagi
Ginoong @jassennessaj at sa lahat ng mga mambabasa, ito po ang aking tampok na original na akda para sa edisyon'g ito.
At sa mga hindi pa nakasumite, Bilisan ninyo't palapit na ang itinakdang huling araw sa pagsumite ng inyong mga akda.