Pinanggalingan ng larawan

"Makalumang Harana"

Isang makalumang harana

Dala'y lumang gitara

Suot ay pormado at parang banda

Dahil may kasama pang mga barakada

Ito'y makalumang pamamaraan

Sa pagsuyo ng mga kababihan

Ito'y epektibo minsan

Pero minsan hindi naman

Ito ay pormal na pamamaraan

Sa pagsabi ng iyong nararamdaman

Sa babaeng iyong nagugustuhan

Na pag nagkasundo sa kasal ang patungohan

Gitara'y sisimulan ng tugtugin

At kasabay na ng iyong kakantahin

Iyong sinisinta'y sa bintana dudungaw narin

Mga mata nyo'y sa isa't isa nakatingin

Pero minsan pag nagagalit ang ina ng iyong sinusuyoan

Sapagkat dis oras na ng gabi at oras ng tulugan

Ikaw ay talagang matatapunan

Ng arinola na ihi ang laman

Sinyales ng kayo'y papaalisin

Pero may iba na kayo'y papasukin

At sa pagpasok kayo'y aalukin pa ng inumin

Inuming tubig or juice para ikaw at ang pamilya mag-usap ng masinsin

Pero tila ito'y nawawala na ngayon

Sa makabagong henerasyon

Sapagkat iba na ang ginagamit nilang stilo

Ng pamamaraan sa pagsuyo

Minsa'y dadaanin nalang sa usap-usapa't biroan

Hanggan sa maging magka-ibigan

Minsa'y sa text nalang magkakilala

At mag-eeyeball para magkita at magiging sila na

Pero kahit papaano

May gumagamit pa naman nito

Mga binatang ang harana

Ay uso pa sa kanila

Katulad ko

Makalumang harana ang aking gusto

Sapagkat sa aking tingin mas kikiligin sila dito

Mga babaeng harana'y kanila ring gusto

Makalumang harana

Ay magandang ala-ala

Sa mga matatandang asawa

Sapagkat ang iba'y dito nabuo ang pag-ibig nila

Ito po ang aking entry sir @jassennessaj para sa pang-apat na patimpalak ng "word poetry challenge" at sa magiging hurado nawa'y magustohan nyo po ang aking orihinal na gawa na tula at maraming salamat. Gusto ko ring magpasalamat kay @jassennessaj na ginawa nya ang patimpalak na ito dahil mabibigyan ako ng tsansa na ibahagi sa publiko ang aking tula. Maraming salamat rin sa paglaan ng oras sa pagbasa ng aking tula at sana'y magustohan nyo ito.

Thanks and Godbless
@jumargachomiano