Word Poetry Challenge #3 : Gintong Medalya

---

Hindi ko mawari kung bat ako nalulumbay
Na kung minsay nakakalikha ako ng mga salaysay
Ukol sa mga bagay na mistulang walang saysay
Napapatanong ako "ano nga ba ang tunay na tagumpay?"

Akoy tumayo at nagsumikap
Upang aking maabot ang mithiing alapaap
Sa skwehalay mga medalya ang natatanggap
Upang kahirapa'y di na muling malasap

Mga magulang ko ang inspirasyon
Sa pagkamit ng naturang misyon
Sa mga teksbook lang ako'y nakatuon
Para sa huli'y sa pagkadukha ay di na mabaon

Sa elemntarya't hayskul naging valediktoryan
Sa pamilya ko lamang ito ay laan
Na kung saan ang tanging pamamaraan
Ay ako'y sa araw araw matustusan

Ako'y tumuloy sa presteryosong kolehiyo
Medisina ang aking ginusto at tinungo
Sambit ng iba'y ako daw ay ambisyoso
Ngunit magulang ko ay pursigido at desidido

Nagkakuba-kuba ang ang Ina
Upang matustusan ang mga matrikula
Nagka TB ang aking ama
Upang pangarap ay maabot na

Sampung taong nagsumikap
Kahit mura at insulto sa aking ina'y natatanggap
Bunsod sa kabundok na utang na di na mahagilap
Di sumuko upang tagumpay ay malasap

Suma Cumlaude nang akoy hinirang
Kahit sa araw na iyo'y ama ko'y humimlay na lamang
Pagtatangis nang lungkot at saya ang aking nalinang
Para sa mga naghihingalo ko nang mga magulang

Lumipas ang mga taon akin nang nakamit
Ang pangarap na aking pinilit
Di ko namalayan ang ina pala'y nagkasakit
Breast at Colon Cancer sa kanya'y nagmamalupit

Huli na nang aking napagtanto
Stage 4 na nang siyay nagkaroon nang ganito
Akoy nagmakaawa at tumawag ng iba't ibang santo
Ngunit wala na akong nagawa gumuho na si ina-ang aking mundo

Noon hangad ko ang maging tuwirang matagumpay
Ngunit kaakibat pala nito'y mga taong di na maka-agulapay
Ang lahat ng mga bagay ay mistulang wala nang saysay
Dahil pamilya pala ang tunay na tagumpay

---

Isang napakagandang araw sa inyo, ako po ay lubos na nagagalak na naman sa bagong patimpalak na ginawa ni @jassennessaj , ito po ang aking akda para sa ikatlong patimpalak sa tagalog na edisyon. Nawa'y naantig ang inyong mga puso sa aking tula.

---

Pinagmulan ng imahe sa itass : Unang imahe