Ang karakter na nasa aking akda ay produkto lamang ng aking imahinasyon naway magagalak kayo sa aking akda.

Gintong Medalya

by : @jembee

Unang araw sa paaralan
Hangad na ito'y makamtan
Higit pa sa kaibigan at karanasan
Gintong medalya sa katapusan

Gagawin lahat ng makakaya
Para sa huli, abot langit ang saya
Mahirap at mabibigat man ang dala
Titiyakin kong makuha ang gintong tala

Pawis may pumapatak sabay ng luha
Sa hirap ng buhay mukha'y di mahinuha
alam kung di niya ako pababayaan
Puong maykapal lagi akong inaalalayan

Sa aking pagsisikap, ako'y nakapagtapos
Ito na ang araw nang hinanapos
Ng sakit, pagod, at hinanaing
Sa wakas nakita ko na ang bunga ng aking galing

Liwanag ng ilaw sa akin nakatuon
Hawak ni mama sa aking braso ang tugon
Sa paglakad sa entablado ng buhay
Habang ako ay dala dala ni tatay

Bawat hakbang ni itay ay siyang hakbang ko rin
Bawat hakbang ko ay para kay tatay din
Sapagkat simula noon siya na ang aking paa
Mula sa panahong tanging alam ko lang ay "papa?"

Ngayon hawak ko na ang gintong medalya
Sabay sabit ni mama sa aking leeg, kasya
Binaha ang lugar ng luha at tuwa
Sunod ang palakpak at yakap nilang walang sawa

At sa wakas, ito na ang wakas
Panibagong araw para gamitin ang lakas
Ng utak at ng katawan habang nakaupo
Dahil 'di makatayo ang isang lumpo

Ito po ang aking entry sa patimpalak ni @jassennessaj. Kung gusto niyo pong sumali, i click lang ang link na nasa ibaba :

https://steemit.com/wordchallenge/@jassennessaj/word-poetry-challenge-3-tema-gintong-medalya-or-tagalog-edition