Word Poetry Challenge #14 : "Realisasyon" | Ang aking lahok😊
Katha ni: Marigen aka @greatwarrior79
Sa mundong ating ginagalawan,
Bawat isa sa atin ay may pangarap na nais makamtan.
Dahil ang buhay ay puno ng kahirapan,
At nais natin maibsan ang karukhaan na kinalakihan.
Kay ganda ng buhay kung bawat isa ay maginhawa,
Karangyaan sa mundo ay tinatamasa.
Pagkain sa hapag kainan ay sagana,
At walang kumakalam na mga sikmura.
Subalit ang tunay na kalagayan ay di natin maitatago,
Dahil ang totoo tayo sa buhay ay naghihingalo.
Pangako ng politiko sa hirap tayo ay ihahango,
Ngunit ang katotohana sa karukhaan ay nasasadlak lalo.
Salitang pagbabago ay di na bago sa pandinig ng madla,
Mga krimen sa bansa ay lalong lumalala.
Kapayapaan ay laging napag uusapan,
Ngunit halos ilang dekada na ay di pa rin nakakamtan.
Isang bagay lang aking napagtanto,
Bawat isa sa atin ay susi ng pagbabago.
Samahan mo ng gawa at dasal,
Tiyak ang minimithi natin ay di magtatagal.
Reyalidad ng buhay ay kay hirap harapin,
Lalo na kung marami tayong pasanin.
Kaya matutong magpakumbaba at manalangin,
Sa Diyos na nagpapagaan ng ating mga dalahin.
Kaya nga sabi sa banal na kasulatan,
At ito ang dapat natin laging tatandaan.
"Sa Diyos tayo lumapit at mananahan,
At ang pangarap natin ay ating makakamtan"!
Ito po aking lahok sa patimpalak na ito ni ginoong @jassennessaj. At sana po ay magustuhan nyu po ang aking munting katha.😊 At sana tumpak sa tema ang aking likha, at suportahan po natin ang patimpalak na ito na naglalayon mabigyan halaga ang mga akda ng manunulang pilipino! Mabuhay po tayong lahat!
Marigen aka @greatwarrior79
ang ganda po ng mensahe ng tula
Maraming salamat sayo sir @beyonddisability.😊