"Word Poetry Challenge #14: Realisasyon"

---

Ang karamihan sa atin,
Mga pangarap ay malalalim,
Para ang lasap nang tagumpay ay maatim,
Gagawin ang lahat kahit sa dilim.

Mahalaga ang mangarap,
Nagpapabago ng buhay na kay saklap,
Kaginhawaan na sa ating pamilya'y nararapat,
Pagod na sa buhay na kay salat at hirap.

Peru sa mundong ating ginagalawan,
Kahirapan ang nilalarawan,
Mga dukha ay nagkukumpulan,
Mga pangarap ay walang pinapatunguhan.

Mga realisasyon kay hirap,
Na sa aking puso ay nagpapabigat,
Gobyerno nating napakadamot,
Mga tulong ay pinagyayamot.

Politikong nagpapakasasa,
Sa kayamanan nang mamamayang nagdudusa,
Mayayamang walang paki,
Sariling pera ang iniintindi.

Mundo'y nagiging malupit,
Dahil sa mga tao'ng walang malasakit,
Realisasyon sa kanila'y ipilit,
Realisasyon kaming mga dukha ang umiimpit.

August 28, 2018
4:32 PM

Orihinal na Komposisyon

Aliza C. Ababon

larawan nakuha sa google

Ito ang opisyal na tula ko para sa paligsahan ni @jassennessaj.

Sana ay inyong magustuhan!

Salamat po 😊😊😊