Image Source

Gintong Medalya

ni: @christianyocte

---

Maraming nagsasabi na tagumpay di makakamit
Sapagkat sa leeg, walang medalyang nakasabit
Gintong medalya kasi raw ang simbolo ng tagumpay
Ganito ba talaga ang takbo ng ating buhay?

Totoo, hindi ako kasing-talino ng angkan mo
Na humahakot ng mga medalya at tropeyo
Sa larangan ng akademya panalo kayo
Pati rin ba ang tagumpay, sa inyo lang dadalo?

Kaya ako’y nagsikap, hirap na hirap
Nagtapos ng kolehiyo, nagsumikap
Wala mang gintong medalyang nakasabit
Pero ang tagumpay ay aking nakamit.

Hindi basehan ang ginto sa karangyaan
Hindi rin basehan ang medalya sa kahusayan
Merong tulad ko na nagsisikap lang
Pero nagagawa na sa buhay ay lumaban.

Humiga ka man katabi ang iyong karangalan
Mapuno man ang iyong silid ng kinang
Pakakatandaang hindi talunan
Ang taong marunong magsikap kahit nahihirapan.

---

Hindi basehan ang medalya na nakamtan sa tiyak na tagumpay. Ang totoong tagumpay ay nakasalalay sa pagsumikap kahit napakarami ng hamon ng buhay.

Ito po ay isang tula para mga walang nakamit na medalya. Hindi kasi lahat ay magaling. Ngunit may pagkakataon pa ring magtagumpay.

***Ewan ko lang ko nasaan na yong medalya ko nong college. Hahaha****