Word Poetry Challenge #8 : Tagpuan

TAGPUAN

Huwag kang gumalaw
Sabi ko sa'yo ng pasigaw
Natutuliro nang makita ay ikaw
Sa tagpuan ngayong araw

---

'Di ko akalain ika'y nandito
Walang alinlangan at desidido
Kahit di mo alam kung ako'y seryoso
Sa mga sinasabi at pinangako

---

Ipinakita ang ibang hilig ko
Nagbabakasakaling ika'y magbago
Ngunit iba ang nabatid ko
Pag-ibig mo pala'y walang halong biro

---

Tama nga ang mga sabi-sabi
Kung mahal mo ay magbabakasakali
Kahit ikaw ay nagmumukhang api
Subalit lahat ng pagsubok sayo'y napakadali

---

Ang pag-iisa ay naturang masaya
Ngunit iba ang saya 'pag kasama kita
Binigyan mo ng magandang kulay
Ang mundo ko na dati napakalumbay

---

Sa tagpuang ito, ika'y nakilala ng lubusan
Nakikita sa'yo ang hinahanap na katangian
Sana'y di magbago, ako'y iingatan
Mamahaling lubos magpakailan man

ito po ang aking pangalawang entry para sa patimpalak na binuo ni Ginoong @jassennessaj na may temang TAGPUAN. Sana po ay iyong nagustuhan at patuloy na susuportahan. Maraming Salamat po, hanggang sa muli....

Ito po ang iyong lingkod,