"Word Poetry Challenge #9 : Maskara"

Pinagkunan ng Larawan

Madalas kami’y makikita t’wing may nagdiriwang nang kaarawan,
Aliw na aliw ang karamihan sa hatid naming katatawanan,
Saming mga hinandang palaro tiyak kayo ay mag uunahan,
Mga birong may kababawan ngunit inyo namang kagigiliwan.

Makukulay na damit aming sinusuot at ginagamit,
Upang sa mata nang mga bata kami ay kaakit-akit,
Kapag programa’y magsisimula na sila’y nagsisilapit,
Makikinig mabuti nang papremyo ay kanilang masungkit.

Pintura sa aming mukha ang syang aming maskara,
Labi namin ay lampas ang guhit at pulang-pula,
Palaging nakangiti at malakas magpatawa,
Sa totoong buhay samin walang nagpapasaya.

Sa likod ng mga ngiti kami din ay nagdurusa,
Ni isa sa amin wala man lang nangangamusta,
Lungkot paminsan minsan aming nadarama,
Ganyan kami sa likod nang aming maskara.

Mahirap magpatawa kung walang kang sigla,
Minsan pa nga sarili mo’y di mo na kilala,
Pinturang maskara kapag aming binubura,
Iniisip ang tingin nang iba sa amin ay basura.

Minamaliit ng karamihan, hinahangaan ng iilan,
Hamakin man ng lahat, kapamilya pa kung minsan,
Ngunit sa buhay kami ay patuloy na lumalaban,
Balang araw magandang kinabukasan aming makakamtan.

---

---

Ito ang aking ikalimang subok sa paggawa ng tula para sa Word Poetry Challenge #9 : Tema : "Maskara" Tagalog Edition na inorganisa ni Ginoong @jassennessaj.

---