"Word Poetry Challenge #8 : Tagpuan" - Ikalawang Entry
 |  |
|---|
Mga bulaklak na tanim, lumilipad na dahon?
Kahit buhay ay mahirap sama samang umaahon,
Mga ala-ala natin tuluyan na bang ikinahon?
Mga musmos, nene at totoy, bata pa tayo noon,
Walang pakielam sige maglaro tumakbo’t tumalon,
Ngunit may sari-sariling pamilya na tayo ngayon.
 |  |
|---|
Tuwing Linggo sama sama sa hapag-kainan,
Halos sumakit ating mga lalamunan,
Tawa nati’y parang walang katapusan.
Masasayang panahon saan na napunta?
Namuhay na tayo ng kanya kanya,
Di na tayo madalas sa kaniya ay bumibisita.
Mga alikabok agad mong matatanaw,
Init sa loob na waring nakakatunaw,
Lungkot sa paligid dito’y nangingibabaw.
Napansing kinakalawang na mga silya,
Wala na din ang ibang bumbilya,
Ibang kagamitan tuluyan nang pumalya.
Para sana sa ating mga mahal nya sa buhay,
Umaaasang ito’y muling magkakulay,
Sa pagbabalik natin ay naghihintay.
Nakakabalik tanaw ang iyong akda at ang lalim ng pinagkuhanan mo ng iyong katha,at parang base sa karanasan mo.😊salamat sa paglahok at pangalawa mong lahok..gudluck po.😊
Opo Sir eto ay base na sa tunay na karanasanan at nangyayari sa kasalukuyan. Isang bagay na nakakalungkot na dating masayang bahay, nawalan na ng kulay. Ang hirap din palang lumaki at magkaedad. Ang sarap lang mag baliktanaw sa nakaraan.