Magandang Araw po sa lahat na Pilipino sa buong mundo! :) Ito nga po ay aking pangalawa't final na entry sa patimpalak na ginawa ni @jassennessaj ^_^ shoutout to the evenr creator and judges!!! Best wishes..

Tanong ko lang po. Sino po dito ang proud bilang isang Pilipino? Yun bang hindi kinakahiya ang lugar na pinagmulan? ang Pilipinas na siyang Perlas ng Silangan! Sino po dito ang handang ialay ang sariling buhay, katapatan at paglilingkod sa lupang sinilangan at siya na ring kinalakihan? Ikaw ba ay tunay na proud sa iyong pinanggalingan? Ikaw ba ay may paninindigan at handang ipagtanggol ang sarili mong bayan? Well, para po ito sa lahat ng Pilipino!!! MAG - INGAY MGA PINOY!!!! Sana po'y inyo itong mabasa. Tulang aking kinatha upang ipaalam sa buong mundo na PILIPINO AKO! PILIPINAS ANG BAYANG PINAGMULAN KO! Wag kalimutang e resteem at e upvote :) ^_^ salamat in advance!

Ang Pagiging Pilipino.. Oh Pilipinas, Bayan Kong Pinagmulan!

by Rejieson Carin

Bayan kong pinagmulan binuhusan ng maraming biyaya,
Sagana sa yaman, yamang dagat man o yamang lupa,
Mga tanawing tila paraiso, malinis at kamanghamangha,
Orihinal at buong pusong ginawa ng Amang Bathalang may likha.

Ako ay Pilipino, iyon ay hinding hindi ko ikakahiya,
Dugo't pawis koy iaalay pati sariling buhay na malaya,
Taas noo kong ipapangalandakan sa buong mundo,
Pilipinas, Pilipas, Pilipinas, ikaw ang nag iisang bayan ko!

Hindi man ganun kalakihan ngunit maraming naninirahan,
Iba't - iba man ang grupong kinabibilanga't kinalakihan,
Iba't - iba man ang mga lugar na aming pinagmulan,
Sa puso't diwa'y iisa ang bayan naming pinakamamahal.

Tapat, matulungin, mapagkakatiwalaa't malakas ang loob,
Dayuhan man sa ibang bansa, may tibay parin ng loob,
Nakangiti kahit dumaranas ng sandamakmak na trahedya,
Hindi nagpapatalo kahit anumang klaseng problema.

Habang ako'y nabubuhay ika'y aking paglilingkuran,,
Sa tulong ng Poong Maykapal, oh Perlas ng Silangan,
Pilipinas, ikaw ay lupang hinirang, bayan ng magigiting,
Watawat mo'y ibabandira't siya'y bukod tanging magniningning.

Nangunguna sa kahit anumang klase larangang pasukan,
Saan man mapadpad ay patuloy na nakikipagsapalaran,
Anumang mangyari'y kultura'y hindi parin kinakalimutan,
Ganyan ang pagiging Pilipino't pagmamahal sa'yo oh Bayan ko!

credits to google.com for the photos ^_^

by @rejzons