"Ako Sana Ay Kunin Na!" Philippine Poetry and Song Contest
Ako Sana Ay Kunin Na!
O, tubig! Ako na'y iyong lunurin.
O, lupa! Ako na'y iyong lamunin.
O, apoy! Ako na'y iyong sunugin.
O, hangin! Ako na'y iyong tangayin.
O, ulan! Bumuhos ka't akoy damhin.
O, lindol! Yumanig ka't magparamdam sa akin.
O, sunog! Silaban mo ang aking damdamin.
O, buhawi! Ilayo mo na siya sa akin.
Sa pighati at kasakit, ako'y pagod na.
Sa kawalan ng hustisya, hindi ko na kaya.
Sa karangyaan at karunungan, naglaho parang bula.
Sa buhay na isang alamat, ako'y tinapon sa isang segundong hudyat.
Ang sakit na! Bakit pa ako nagkamalay?
Ang hapdi na! Nasaan ang gamot na inalay?
Ang kirot na! Ang pagmumukmok ba'y kayang ibigay?
Pagod na ako! Bakit ganito ang buhay?
Isa, dalawa, tatlo. Tatlong beses mo ako minolestiya.
Apat, lima, anim. Anim na suntok binato mo sa akin.
Pito, walo, siyam. May bata na sa ika siyam na buwan.
Sampo hanggang milyones. Ikaw ba'y nasiyahan sa nangyari sa batis?
Ako'y tumakbo, hinabol mo't hinawakan!
Ako'y sumigaw, tinakpan mo't dila ko'y inagaw!
Ako'y bumangon, bininat mo ng 'di makaahon!
Ako'y lumaban, hinampas mo't kamay ay hinawakan!
Ang pagkatao ko'y nawalan ng kwenta.
Ang pagkababae ko'y langgam na walang wala!
Ang buhay ko'y wala ng halaga.
Nasaan na ba ang aking hiling na hustisya?
Ika'y lumayo, pighati ko'y dalhin mo!
Ako'y nandito, umiiyak ng rosas na dugo.
Ika'y lumakbay, mahulog ka sana sa tulay!
Ako'y nasa bahay, wakas nalang ang hinihintay.
Segundo ma'y lumipas, dama parin ang iyong mga hampas.
Oras ma'y naglaho, hindi matanggap at bakit pa sa'yo?
Araw ma'y dumaan, tumutudyok parin sa aking isipan.
Buwan ma'y dumating, kapayapaan sa Maykapal aking hiling.
Ngayo'y may nagbunga.
Siya ngayo'y aking dala dala.
Ang mga mata niya'y nakuha sa iyo.
O, aking itay! Bakit mo ako minaltrato?
Ito'y tula alay ko sa lahat! Salamat sa pagbasa!
- @mikekenlytungal
...
Ayos! Napakaganda kaibigan! Napakalalim at ramdam ko ang mensahe.
May naaamoy ako! Salamat sa iyong gawa @mikekenlytungal.
Best of luck, kabayan!
Salamat kabayan! Nawa'y palawakin pa natin ang ating sining gamit ang wikang filipino!
Congratulations @mikekenlytungal! You have completed some achievement on Steemit and have been rewarded with new badge(s) :
Click on any badge to view your own Board of Honor on SteemitBoard.
For more information about SteemitBoard, click here
If you no longer want to receive notifications, reply to this comment with the word
STOP
Resteemed your article. This article was resteemed because you are part of the New Steemians project. You can learn more about it here: https://steemit.com/introduceyourself/@gaman/new-steemians-project-launch
Nakakaligalig naman!
maraming salamat po! :)
followed and upvoted you...if you like technology,please follow me!!