The Diary Game 11 June 2020

失眠+阿伯晨運體驗記: 最近失眠越來越嚴重, 昨天跟我們拉叔研究一些日本高級電影到12點(希望拉叔別認真看我的帖,不然他肯定打死我,因為我擺明亂up廿四搏上鏡), 明明已經睏到不行,但就到2點都睡不著, 我真的好無奈...好不容易入睡了, 然後5點不到又睡了, 所以我昨晚大概就睡了3小時不到,我想,失眠過的人都懂這種難受的感覺吧!

但實在沒辦法再睡了, 只好提早起床, 在家吃了點餅乾後,我就決定學啲阿伯咁, 晨早落樓晨運一下,當做運動強身健體之餘,希望消耗一下體力,等今晚可以訓好啲.唔行由自可,一行先發覺,原來我既屋苑咁靚架? 我住左成21年都冇發現, 我地山頂個到可以望到過去中環個座中銀大廈,oh my god, 我呢20年到低錯過幾多美好風景?呢個時候,趕緊拿手機拍一下風景,難得今天天色不錯, 美中不足既係, 火車站呢幾年有工程, 所以無可避免連個施工工地都影埋入鏡. 如果我早幾年肯的起心肝行下自己個屋苑,我應該可以影到更靚既風景相.

好啦,影完風景就繼續行下散步,原來我地個公園都好大, 好多人一大早黎晨運, 我今日真係好似發現左新大陸咁, 都唔好意思同人講我係到住左足足21年. 行下行下,本來有啲口渴, 離遠見到有部汽水機, 就想去嘟返罐野飲啦. 點知行到埋去一睇, 比佢吹到啤一聲, 你既然擺得部汽水機係到, 點解又要落閘上鎖鎖住佢, 咁你擺部機係到托咩 !!!!! 既然冇得買汽水,我咪忍下囉,等晨運完返上樓慢慢飲水, 行到咁上下,成身汗, 返上樓之前等我去商場cool down下吹下冷氣先. 去到商場發現最近多左幾間新鋪頭, 一間係教小朋友的 art center, 另一間係賣中國風的藝術擺設. 突然感覺我地商場好有文化氣息.

行完商場,返上樓飲下水,沖個靚涼,之後就換衫出門口,返公司之前當然係例行公事,去我既飯堂吃早餐,而家啲師傅見到我都知我要咩, 自動波沖左杯凍咖杯同整左份蛋牛治比我啦. 其實我好簡單, 我唔使要啲野又平又靚又超級好食, 只要價錢唔離譜,同埋令我覺得佢地記得我係熟客仔,大家會有講有笑,咁我就好滿足.

食完早餐, 返到公司未夠鐘, 咁就睇下wherein的帖, 點下讚, 順道提早寫寫日記囉,如果下午或晚上有靈感,可能會寫多一個帖,到時再睇啦.哈哈哈

早上好, @wherein @cnstm @wherein-curation, 不知不覺第4天打卡了,請查收,謝謝

来自于 [WhereIn Android] (http://www.wherein.io)