نحوی غزل

in #urdu7 years ago

سُن میری نَحو میں کچھ، تُجھ سے یہ گُفتگو ہے
ڈُوبا ہُوں بحرِ غم میں، جِس کا کِنارہ تُو ہے

تیرا سِتَم ہے مصدر، ہر زخم تجھ سے مُشتَق
چَھلنی ہُوا ہے سینہ، جامِد مگر لَہُو ہے

ہے زُلف تیری سالِم، یہ دِل مِرا مُکسَّر
کر جمع دونوں کو تُو، مُحتاجیِ رَفُو ہے

تُو معرِفہ سراپا، پہچان میری نکرہ
لُوں نام گَر میں اپنا، کہتا کہ کون تُو ہے

ہر دن نیا تعلّق، مُعرَب ہو جیسے کوئی
رنجِش ہے مجھ سے مَبنی، ایسا تُو تُند خُو ہے

رکھتا ہوں میں ہمیشہ سر زیر تیرے آگے
تیرا مُضاف اِلَیہ میں، میرا مُضاف تُو ہے

ہوں کیوں نہ پھر برابر اعراب دونوں ہی کے
موصُوف تیرا پیکر، اور صِفت تیری خُو ہے

تُو جُملہ اِسمِیہ ہے ، تیری خبر مُقدَّم
تُو مُبتدا خبر کا، آغازِ گفتگُو ہے

میں ظرفِ مُستَقَر ہوں، تُو فِعلِ حَذف میرا
تیرے بَجُز نہیں کچھ، تیری ہی جُستجُو ہے

کیا غیرِ مُنصرف ہوں، جو یوں تُو مِثلِ تنوین
رہتا ہے دُور مجھ سے، جیسے مِرا عَدُو ہے

ہر ہر خبر تِری میں، اِنشائیہ سمجھ کر
یوں پی گیا ہوں جیسے، چَھکتا ہُوا سَبُو ہے

بدلے سُوال لاکھوں، پر ہر جواب اُلٹا
لائے نفی کے جیسے، ہر وقت دُو بَدُو ہے

دیوانہ ہوں اگرچہ، پر تیرے حُسن ہی کے باعِث
مذکور فعل میں ہوں، مفعول تُو لَہُ ہے

معطوف میری گردن، متبوع تیرا خنجر
یُوں خُود بَخُود پلٹتا، تلوار پر گُلُو ہے

اِسمِ مُبالَغہ ہے، یا اِسم تیرا تفضیل
ہاں دونوں ہی بجا ہیں، اس میں کہاں غُلُو ہے

حُسن و جمال تیرا، صفتِ مُشبّہ ٹھہرا
سب دائمی غضب کا، انداز رنگ و بُو ہے

سُنتا نہیں مِری اِک، کرتا ہوں سو نِدائیں
کیسا ہے تُو مُنادٰی، کیسا تُو چارہ جُو ہے

کہنے کو تُو ہے مَرجع، لیتا نہیں خبر بھی
میرا ضمیر کرتا، کتنی ہی ہاؤ ہُو ہے

سترہ حروفِ جارہ، ستّر ادائیں تیری
کرتی ہیں زیر دونوں، جاتا جو پیش رُو ہے

تیرا وُجود مَصدَر، ہر باب تجھ سے قائِم
تیرے بغیر میرا، ہر فِعل فالتو ہے

حافِظؔ جو ہوتا نحوی، ترکیبِ زِیست کرتا
زیر و زبر بدلتا، بس یہ ہی آرزو ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Sort:  

Congratulations! This post has been upvoted from the communal account, @minnowsupport, by tariqueshafique from the Minnow Support Project. It's a witness project run by aggroed, ausbitbank, teamsteem, theprophet0, someguy123, neoxian, followbtcnews, and netuoso. The goal is to help Steemit grow by supporting Minnows. Please find us at the Peace, Abundance, and Liberty Network (PALnet) Discord Channel. It's a completely public and open space to all members of the Steemit community who voluntarily choose to be there.

If you would like to delegate to the Minnow Support Project you can do so by clicking on the following links: 50SP, 100SP, 250SP, 500SP, 1000SP, 5000SP.
Be sure to leave at least 50SP undelegated on your account.

Coin Marketplace

STEEM 0.19
TRX 0.15
JST 0.029
BTC 63281.14
ETH 2674.11
USDT 1.00
SBD 2.79