Nar festivalı

Son illərdə Göyçayda keçirilən nar festivalına getməyi neçə dəfə istəmişəm, amma heç birində alınmayıb. Nəhayət bu il noyabrın 4-də Göyçaya gedə bildim, bu festivalın ikinci günü idi.

Düzü Nar bayramına Bakıdan və başqa rayonlardan bu qədər axın olacağını düşünməmişdim. Göyçayın girişində festivala gedən tur avtobusları və maşınlardan tıxac yaranmışdı.

Bir az sonra isə festivala gəlmiş insan axını ilə rastlşanda, anladım ki, insanlar bu bayramı çoxdan gözləyirmiş. Festivala qatılanlar içərisində turistlər də gözə dəyirdi.

Girişdə milli paltar geyinmiş musiqiçilər ifa edirdi və gələn qonaqlar da rəqs edirdi, bu festivala ilk daxil olan insanda artıq xoş ovqat yaradırdı. Daha sonra müxtəlif nar sortları,nardan düzəldilmiş qida nümunələri, nar şirəsi, narşərab, nar mürəbbləri və.s nümayiş olunurdu.

Bir qədər sonra isə nar və nar məhsullarının satışı başlayırdı. Bir sözlə festival çox gözəl və maraqlı təşkil edilmişdi, təssüratlarım genişdir.

Elə həmin günlərdə Balakəndə də xurma festivalının təşkil olunduğunu eşitdim, bundan başqa Qubada da hər il alma festivalı keçirilir. Bütün bu tədbirlərin yaranması əslində insanların sosiallaşması, rayonlara sıx-six gedə bilməsi və vaxtlarını daha maraqlı keçirməsi üçün də bir səbəbdir.

İlk növbədə isə belə festivallar vətənimizin zəngin təbiətinin və məhsuldar torpağının nə qədər faydalı bitkilər yetişdirdiyini nümayiş etdirmək üçün ən yaxşı vasitədir.