Filipino Poetry : "Nung Huli Kitang Makita"
![digital-art-398342__480.png](https://steemitimages.com/640x0/https://cdn.steemitimages.com/DQmY5LQbnfA5ai1hDpJRnFiBoSDxBr6Z2Ashsqa1sNvvwnG/digital-art-398342__480.png)
ni @jennybeans
Ngunit hindi kita pinigilan Nung huli kitang makita Ngunit hindi naging sapat na rason ang pag-ibig Nung huli kitang makita Hindi kita pinaliwanagan Ngunit sadyang mapagbiro ang tadhana Ngayong mukha mo'y muling nasilayan Ngayong nakita kitang muli Mas namutawi ang kagustuhan kong iwasan ka Pero wala eh, tayo'y nagkatitigan Nung huli kitang makita
Nung huli kitang makita
Umaagos ang mga luha sayong mukha
Ang mga mata mo'y waring nangungusap, nagmamakaawa
Umaasang sayong pag-alis ay pipigilan kita
Bagkus ikaw pa'y aking pinagtulakan
Pinaalis sa buhay ko dahil sa maraming dahilan
Mga dahilang di mo na kailangan pang malaman
Batid kong ayaw mo pang kumalas
Pinanghahawakan ang nag-iisang alas
At yun ay ang pag-ibig na wagas
Na kagaya ng isang kapeng mainit
Kapag ka napabayaan at lumamig
Mamumutawi pa rin ang pait
Ikaw ay lumuluhod saking harapan
Naghihintay ng mga kasagutan
Sa iyong mga katanungan
Hindi dahil sa gusto kitang saktan
Kundi dahil alam kong yun ang kailangan
At mas makabubuti kung tayo na lang ay magkalimutan
Tayo'y pinagtagpo't muling nagkita
Pansin kong kay laki na ng yong pinagkaiba
Subalit ang yong kakisigan ay di pa rin maipagkakaila
Di maipaliwanag ang aking nararamdaman
Ako'y di mapakali at naiihi na parang ewan
Naguguluhan at sobrang kinakabahan
Di alam kung ano ang dapat na igawi
Iiwas ba na parang di kita kilala kunyari
O kakausapin ka na parang wala lang nangyari
Nung huli kasi tayong nagkita ay pinagmukha kitang tanga
At ngayon ako'y nakokonsensya't nahihiya
Kung pwede lang sana'y lamunin na lang ako ng lupa bigla
Kitang-kita ko sayong mga mata ang pagkamuhi at kalungkutan
Kalungkutang pilit na tinatago sayong mga ngiti
At pagkamuhing nararapat naman talaga sa akin
Pagmamahal ang nababasa sa yong mga mata
Pero ngayon pakiramdam ko na kay sama-sama ko
Nang masaktan ang puso ng mabuting taong kagaya mo
Congratulations @jennybeans your post has been featured at Best of PH Daily Featured Posts.
You may check the post here.
About @BestOfPH
We are a curation initiative that is driven to promote Filipino authors who
are producing quality and share-worthy contents on Steemit.
See Curation/Delegation Incentive Scheme here. Be sure to leave at least 50SP undelegated on your account.
Follow our trail and vote for curated Pinoy authors. If you are a SteemAuto user, @bestofph is an available trail to follow.
If you want to be part of the community, join us on Discord
Thank you @bestofph :)
Naalala ko tuloy nung kabataan ko :D
This comment was made from https://ulogs.org