You are viewing a single comment's thread from:RE: Untouched Beauty . My Home City Beach (Chumphon)View the full contextView the direct parentjosteem (58)in #travel • 6 years ago (edited)التجارة بالمارجن او الرافعة
من أنتم ؟! هههههه
الْيَوْمَ يوم غريب جدا
دخلت من امبارح ب ١/٢ بتكوين مارچن
الحقيقة هى اكتر شوية ٣/٤ بتكويناية
السعر بتاع البتكوين كان ٨١٥٠ وقت دخولى
و قسمت الدمبلغ بتاعى على كذا سعر دخول
حتى وصلت لدخول آخر كمية على ٨٠٥٠
و كنت واخد مترجم شوية على
20X
و نوعت أجزاء تانية مابين ال ١٠ و ال ٥٠
لكنى لعبت فى المارچن لعد كدا
فالبتمكس خاطرهم كلهم على بعض
و حلت لى الدخول الاجمالي على ٨٠٧٨
و كمان خلتلى المارجن الإجمالية موحد على ٢٥ اكس
و حصل دروب جامد قوى لكن ما الكودتش
و حالياً البوزيشن لسة مفتوح و ربنا بستر
شفت الى حصل ؟
أهو ربنا ما سترهاش ههه
أهو ربنا فضحها بدل ما يسترها هههههه
مش عارف أكتب ربنا سترهاش .. و لا ربهم سترهاش .. ولا ربك و لا رب مين هههه
المهم خسرت حوالى ٦٠٠٠ دولار
لتصفيتها بالمارجن كويناية الا ربع
يعنى حوالى ٦٠٠٠ و شوية دولار راحوا فى ليلة و ضحاها
انا الصراحة طمعت
ربك ملوش دعوة بالموضوع
هو طمع ثم طمع ثم طمع ثم غشومية ثم عند من عندى
كنتً كسبان ٤٠٪ مارضتش بيها
ثمرنزلت الخسارة لنص الفلوس بتاعنى .. بقيت أقول يا مسهل
بهدها ارتفعت الأسعار و رجعت و شفت ال ٤٠ء٪ مكسب مرة تانية .. لكن تقول اية للطمع
ما رضيتم بال ٤٠ء٪. مكسب ( حوالى ٢٥٠٠ دولار فوق ال ٦٠٠٠ بتاعتى )
كنت متخيل انها لازم هتعلى ال ١٠٠٪ مكسب و يمكن أكتر
و أدى النتيجة .. فضل السعر ينزل ل ٥٠ء٪ خسارة. .. أفكر أوقف و ارضى بالخسارة؟
لا و الف لا .. العناد ابتدى
يا أكمل و يرفع معايا المكسب لفوق ١٠٠ء٪ .. يا أخسر كل شئ
و قد كااااااان .... نزل السعر كالبرق فى سرعتك فى أقل من ٢ دقيقي كنت نازل للصفر
وًخسرت كل شئ حتى أنى صورتها بالموبايل
صورت اليكويداشن بتاعى على شاشة التباوي للذكرى !!!!!!
هههههه
أقصد شاشة اللابتوب هههه
ايوه بضحك من غيظى بدل ما أتق هههه
احنا الى عملنا الفلوس مش هى الى عملتنا
وزى ما عملناها زى ما خسرناها
و باْذن الله نعرف نعمل زيها تانى بالعزيمة و الإصرار
لسة مادخلتش صفقات جديدة
لسة متأثر شوية بالخسارة الى حصلت
بس ارتحت شوية لما عرفت من الأخبار ان ناس كتير حصلها زى ما حصل معايا
يعنى دا ما كانش غباء مستحكم عندى و لا حاجة هههه
لدرجة ان كان فى مليونير مراهن ع الصعود مثلى و خسر ٤٦٠ مليون دولارررررررر
!!!!!!!!!!!!!
فى نفس اليوم و نفس اللحظة الى انا خسرت فيها ال ٦٠٠٠ دولار
فى توقع ان البتكوين تنزل ل ٧٢٠٠
و اذا حصل و اخترقت ال ٧٢٠٠ هتكمل ف النزول
الخط الداعم بعدها هو ٨٦٠٠
فعملت شورت البتكوين من ٧١٩٠ علشان نبقى فى الضمان
الخوف لتنزل و تلمس ال ٧٢٠٠ فقط و يجو حوت من الحيتان يعمل لونج كبير
فكل الناس الى عملة شورت على ال ٧٢٠٠ تاخد خازوق و تتلكود
علشان كدا عملت الشورت بتاعى على ٧١٩٠
علشان أضمن ان السعر فعلاً منحة للنزول لل ٦٨٠٠ من عير تلاعب
لكن حتى الان البوزيشن مفتوح و حصلش فلينج
شكلها كدا مطولين ع ما يبان لها اخر
ادينا مستنيين و هنشوف أخرها اية بالظبط
و السعر الان بيلعب ف ٧٣٠٠ الى ال ٧٤٠٠
خير باْذن الله ربك يسهل
معلش اتأخرت عليك شويه
اليومين دول كنت مشغووول شويتين
امبارح رحت اشتريت ٢ بيسكل
واحدة بيا و واحدة للجيرلفريند تبعى
و تركت الكريبتو أجازة
حتى الشورت أوردو الى كنت عاملة على ٧١٩٥ لغيته علشان آخذ ولحتى بعيد عن الكمبيوتر
و للأسف لو كنت تاركه كان زمانى عامل ربح حلو
لأن البيت كوين نزلت فعلا ل ٧٠٠٠
يعنى فرق حوالى ٢٠٠ دولار
فى رافعة ٢٥؟كان هيبقى فى ٥٠٠٠ دولار مكسب
كانت تعوض ال ٦٠٠٠ دولار خسارة الى حصلت من يومين
بس يلا ما يجراش حاجة
ربك يعوض علينا
الجايات أكتر من الريحات
مرحلة حرجة مش عارفين الدنيا رايحة ع فين ؟