The Vanishing Island - Philippines

Gaya ng aking sinabi sa naunang blog ay ibabahagi ko sa inyo ang ilang mga litrato na kuha sa Vanishing Island na matatagpuan sa rapu rapu, Albay. labin limang (15) minuto lang kami pinayagan ng bangkero na tumagal sa isla para lamang kumuha ng mga litrato at baka gabihin din kami sa laot pabalik sa Bacacay Port.

Ito ang mga ilan sa mga kuha kong litrato sa nasabing isla;

Tagong Isla sa umaga at pagsapit ng hapon makikita ang kagandahan nito.

Sa umaga makikita mo ang mga cottage na ito na nakalutang sa dagat. sa pagkakaalam ko kung hindi ako nagkakamali ang upa sa cottage ay limang daan piso Php500.

Marami kayong makikita na Starfish at Octupos sa islang ito ngunit ipinagbabawal ang paghuli nito. hindi kayo papayagan ng namamahala doon na iuwi o dalhin ang starfish.

May ilang mangingisda na nag-aalok ng kanilang huli sa mga lokal at turista doon. Sobrang nakakamangha at naaliw ako sa islang ito kahit konting oras lang ang ibinigay sa amin ay busog naman ang aming mga mata sa kagandahan nito.

Ito 'yong nakabalik na kami sa Bacacay Port. Habang nag-aantay sa sasakyan na ni-rentahan namin ay nasilayan ko ang noon ay kalmado at hindi pa nag-aalburutong Mayon. hindi ako nag aksaya ng oras at nakiusap sa aking matalik na kaibigan na kuhanan ako ng litrato.

Kung magagawi o pupunta po kayo ng Albay, isama niyo po ito sa inyong listahan. Maganda at siguradong magugustuhan niyo dito, mababait din ang mga tao doon.

Hanggang sa susunod po, salamat sa inyong pagbisita!

Please continue to support @surpassinggoogle
If you haven't voted your witness yet, vote Terry now!
Write @steemgigs >>>https://steemit.com/~witnesses