Bahay-Bahayan ...Noong Ako Ay Bata Pa

Naalala mo pa ba noong ikaw ay bata pa?
Naranasan mo ito lalo na kung ikaw ay lumaki sa probinsya.
Kasama at kalaro mo pa nga ang mga pinsan at mga kaibigan.
Kadalasan paborito mo ang maglaro ng bahay-bahayan.

Bahay-bahayan na gawa sa dahon ng niyog o pinag takpi-takping mga karton.
At sama sama nyong itatayo kasama ang iyong mga kalaro.
Minsan pa nga, nangunguha kayo ng mga materyales para sa bahay at sama sama nyong bubuuin ang bahay.

Kailangan may pinto, bintana, kusina at tulugan.
Ang gamit nyo pa ngang pagluto-lutuan ay mga ginamit na lata na wala ng laman.
Kadalasan ang niluluto nyo at mga pako na galing sa kagubatan.
At kung wala na kayong maluto, nagdadala ka na lang ng lutong pagkain para pagsaluhan.

Minsan bumabagsak ang bahay, dahil hinde matibay.
Hihingi ka ng tulong sa iyong tiyo o tiya para maitayo ang bahay-bahayan.
Minsan don ka pa nga nakakatulog kapag tanghalian.
Tuwing umaga pagkagising mo babalikan mo ang bahay- bahayan.
Tinitingnan kung hinde nasira dahil sa ulan o sinira ng kambing o baboy mong alaga.

Kay sarap balikan ng iyong kabataan, ang iyong munting bahay-bahayan.
Kaya ako tuwing nakakita ng bahay-bahayan, naalala ko ang aking kamusmusan.
Bumabalik ang nakaraan na masarap balik- balikan.
Habang ako ay tumatanda, nais kung balikan ang pagkabata.
Kahit isang ala ala na lang, masaya ako at naransan ko ang makagawa at makalaro ng bahay-bahayan

Ikaw, naransan mo ba ang maglaro sa bahay-bahayan o gumawa ng bahay-bahayan?
Nakaka miss di ba? Dahil sa modernong teknolohiya ngayon, kadalasan ang mga anak natin ay hinde na nakaranas maglaro ng bahay-bahayan.
Iba na kasi ang panahon ngayon, mabilis ang teknolohiya at abanse.

Ako po ay pilipino, sa pusot diwa, saang dako man ako ng mundo mapunta.
Maraming Salamat po.

Ang inyong lingkod,
@sunnylife sa kagubatan

English translation, soon:) thanks guys:)