Nazam Aceh

Saboh Haba CHIKTU Peugah,
Nasehat Indah Keu Sang PENCINTA,
Sebab Taqwa Han Akan Leumah,
Meunyoe MAHABBAH Hana lam dada,

Awai Islam Taturi Allah,
Geukheun Syahadah Wahe Syedara,
Baroe Sembahyang Oh Lheuh Nyan Beukah,,
Meunan Geusurah Rukon Agama,

Ilme Tauhid Punca ibadah,
Nyata Meusurah Dalam Agama,
Wajeb Hukom jih ta Turi Allah,
Baroe Tanyoe Sah Tapeugah CINTA,

Na Lhee Tingkatan dalam Mahabbah,
Cinta keu Allah A'zza Wajalla,
Tingkat Yang Keuphoen Awam Geupeugah,
Kedua Beukah Khawas Namanya,

Tingkatan Awam Dalam Mahabbah,
Cinta nyan Beukah Karna Nikmatnya,
Cukop Berhajad Nikmat Keu Allah,
Contoh Meusurah Linyung Ngon Mata,

Tingkat Kedua Dalam Mahabbah,
Cinta Keu Allah Karena Sifatnya,
Ka Syuhud Hate Nyata Deuh LEUMAH,
Tingkat Ma'rifat Khawas Namanya,

Tan Le Na beda Seunang Ngon Susah,
Karna Ka leumah Yang Bii Soe Teuma,
Cahaya Iman Nyata Bak Lidah,
Kalam Hikmah Sabe Keulua,

Tingkat Yang Keu Lhee Dalam Mahabbah,
KELU Lidah Dalam Berkata,
Wate Tatanyoeng Cinta Keu Allah,
Teukunci Lidah Ngon Roe Ie Mata,

Cinta Tingkatan Walinya Allah,
Hakikat Mahabbah Yang Sesungguhnya,
Baten Ngon Lahe Tanle meupisah,
Bersama Allah Geukheun FANA.

Teunang Hate Hana Le Susah,
Maqam Mahabbah tingkat Kedua,
Nyoe Tauhid Awam Han Akan Leumah,
TAJALLI Allah bak Pandangan Dada,

Yoeh Mantong Umu Geubie Le Allah,
IKOT Beubagah Majlis Pencinta,
Majlis Sufi Di Seuramoe Meukkah,
Yang Jinoe meugah SE Asia tenggara,

Wajeb Na MURSYID Ureung Yang Papah,
Meunan Geupeugah Le Ulama Taqwa,
Nyoe Han Neupateh Hikam Neupeuhah,
Atau Neusurah Dalil CHIKTU Ba..

مَنْ لاَشَيْخٌ مُرْشِدٌ لَهُ فَمُرْشِدُهُ الشَّيْطَانُ

طَلِبُ الشَّيْخُ وَجِبٍ عَلَى كُلِّ مُرِيْدٍ وَلَوْ مِنْ اَكْبَرِالْعُلَمَاءِ

Dan lagi...
"WALLADZI NA AMANU ASYADDU HUBBALILLAH.(Al Baqarah...Perle Ayat keupadum Baca Sampe Habeh Surat Nyan).
"Dan bermula orang orang yang beriman sangat Cintanya ia kepada Allah"

#MPTT.(MAJLIS PENGKAJIAN TAUHID TASHAWUF)
#Ilmu Kesufian.