,*Ramadhan ka dikeu mata*,
Bak ta we wet, hana teurasa
Buleun mulia , jinoe rab tiba
Buleun yg goet , si umu masa
Iman lam dada, ta peusempurna
Uroe puasa , supoet meubuka
Hate gembira , hana pat peusa
lheuhnyan taraweh, lom ta keurija
Penyaket dousa, teupiroe dumna
Lheuhnyan oh sawoe, ta beudoh sigra
Hate han saba , keu uroe tiba
Pajoeh bu sawoe, ngon keuluarga
Rasa bahgia , di dalam dada
Teuma lheuhnyan, beu na taniet puasa
Mangat sempurna , tujuan yg kana
Sembahyang yg suboeh ,bek tuwoe teuma
Kupue puasa , sembahyang hana
)Meupat keuh jiduek , puasa yg na Nyoe tiang agama ,geutanyoe hana Adaak bocho pruet, bak ta puasa Nibak rabbana, hana sapue na
Yg brat ta rindu , nibak puasa
Keu uroe raya,rakan si dumna
Na cit yg ladoem, peugot pue yg na
Jame ji teuka , napue peutaba
Ladoem toet karah, meubanja banja
Kue meutega, pih hanjeut lupa
Keuripět boh pisang, geucang geumbira
Seumangat raya, keu uroe raya
Teuma aneuk miet pih leumpah subra
Mercoen ceulana , ngon beude raya
Meunyoe han geubloe, jiroe ie mata
Sayang teuh raya, ji kuwa' kuwa'
Na cit yg lucu , yg toem tarasa
Mak meugang tiba, sang uroe raya
Bajee ka jisoek, mercoen meubla bla
Nyan duem bahgia , punoeh ngon warna .
Tajak bak teungku, ta meuah desya
Pue lom bk syedara, ta kunjong beuna
Samboet menyambot,leupah that mesra
Beunci yang kana, hana meuhoe ka
Meunan keuh kisah,buleun puasa .
Bacut lon rika, keu tanyoe dumna
Lon lakei meuah ,nyoe salah kata
Kadang na haba, tuto meugasa
Follow Me @afwadi
