#68 - Pantoen Aceh | Boh Kayee di Aceh

in #steempress6 years ago (edited)

prcpbq7wz6.jpg

sumber foto


Di Aceh lee that boh kayee
Peue nyang perlee hana payah mita u luwa
Dari boh pala sampee boh jambee
Lee that hasee bak tanoh pusaka

Jinoe lon sebut macam-macam boh kayee
Dari ata lam gle sampoe lam desa
Meunyoe hana meusebut neutulong bie thee
Nama boh kayee reut komemtar saja

Boh drien ramboet nyan asoe gle
Boh langsat kupi pineung pih sama
Boh coklat boh u ngon boh jambee
Kadang na di glee kadang na lam desa

Boh limeeng dan jambee hana malee
Masam kadang oh tanyoe rasa
Boh mangga ramee nyang lakee
Peu lom cap gadoeng ramee nyang mita

Boh timon lam blang ka serta padee
Mangat that hasee oh panen raya
Ta pajoh rujak lam angen reulee
Bak jaga padee boh suku ta rasa

Laen ta samboeng oh paih watee
Hana teu conek lee jeum ka jula
Walaupun ka seupot hana lee hasee
Meukarat hapee lakee cash sigra

Meuah syehdara di gampong atawa di gle
Hana meusebeut lee hapee hana daya
Nye na bak teungku nama boh kayee
Sama - sama neu sebut bak komentar saja


Meu - Panton
Teurimoeng Geunaseh


 

Posted from my blog with SteemPress : https://meupanton.000webhostapp.com/2018/09/68-pantoen-aceh-boh-kayee-di-aceh

Sort:  

Boh bi boh jok
Asai dibi teuntei dijok
Bak tapajoeh bek sampe mabok
Seudia ie mangat bek teurok

😂😂☕☕

Hahaha...

Boh bie boh jok
Nyena dibie asai beu troek
Ngon ie puteh han mgkin maboek
Beu leuheuen tajieb meu bek turoek...

😂😂😂

Coin Marketplace

STEEM 0.17
TRX 0.15
JST 0.028
BTC 62014.91
ETH 2410.27
USDT 1.00
SBD 2.50