ଆଜିଠୁ ବୀର ସୁରେନ୍ଦ୍ର ସାଏ ବିମାନ ବନ୍ଦରରୁ କୋଲକାତାକୁ ବିମାନ ସେବା ଆରମ୍ଭ

ଝାରସୁଗୁଡା(ଏଟିଆର ବ୍ୟୁରୋ): ଆଜିଠୁ ଝାରସୁଗୁଡା ବୀର ସୁରେନ୍ଦ୍ର ସାଏ ବିମାନ ବନ୍ଦରରୁ କୋଲକାତାକୁ ବିମାନ ସେବା ଆରମ୍ଭ ହେଉଛି । ଏହି ବିମାନ ସେବା ଏଲାଏନ୍ସ ଏୟାର ବିମାନ ଆରମ୍ଭ କରୁଛି । ଆଜି ଏଲାଏନ୍ସ ଏୟାର ବିମାନ କୋଲକାତା ବିମାନ ବନ୍ଦରରୁ ୧୧ଟା ୪୫ ମିନିଟିରୁ ବାହାରି ୧ଟା ୧୫ ମିନିଟରେ ଝାରସୁଗୁଡାରେ ପହଞ୍ଚିବ ।

ତେବେ ପୁଣି ଏହି ବିମାନ ଝାରସୁଗୁଡାରୁ ଅପରାହ୍ନ ୧ଟା ୪୫ ମିନିଟରୁ ବାହାରି କୋଲକାତାରେ ୩ଟା ୧୫ ମିନିଟରେ ପହଞ୍ଚିବ । ସୂଚନାଯୋଗ୍ୟ ଥାଉକି ଗତ ସେପ୍ଟେମ୍ବର ୧୧ରେ ଲୋକସେବା ଭବନରେ ବିମାନ ଚଳାଚଳ ନେଇ ଆଞ୍ଚଳିକ ବିମାନ ଯୋଗାଯୋଗ ପରିଷଦର ବୈଠକ ବସିଥିଲା । ଏହି ବୈଠକ ଝାରସୁଗୁଡା ବିମାନ ବନ୍ଦରରୁ ୨ଟି ନୂଆ ସହରକୁ ବିମାନ ଚଳାଚଳ କରିବା ଲାଗି ନିଷ୍ପତି ନିଆଯାଇଥିଲା ।