PABORITONG PALABAS KO SA PILIPINAS. [TAGALOG VERSION] @SteemPh

Image Source: TFC

Madalang talaga ako manoond ng T.V kaya naman ang huling palabas na napanood ko ay sa dekada 90 pa. Isang beses lang sa isang linggo pinapalabas ang Oki Oki Dok, sulit naman ang paghihintay kasi maganda naman itong palabas na ito siyempre nakatatawa. Ang bida ay si dok Aga na isang beterinaryo at saka ang kaniyang iniibig na si Alex (Agot Isidro). Siyempre hindi sila ang paborito ko. Ang paborito ko ay si Dixon (Roderick Paulate) bagay na bagay sa kaniya ang ginaganapan niya kasi silahis siya. Syota niya si Charlene Gonzales subalit ang iniibig niya ay si dok Aga haha. Grabe! Tuwang-tuwa ako sa palabas na ito, bukod sa nakatatawa ang lakas pa maka-ubos ng oras.

Sa tuwing magda-date sina dok at Alex lagi na lang sila hinahadlangan ni Babalu o kaya naman ni Dixon. Kaya madalang silang magkasama. Magkapitbahay lang naman sila. Si Dixon nga pala iyong siga sa palabas pero bading siya. Kaya na rin naging magkaibigan sina dok at Dixon dahil noong una nakita ni Dixon si dok ay may nagtangka sa buhay ng doktor, mabilis naman kaagad sumaklolo si Dixon. Doon na sila naging magkaibigan. Galit na galit si Dixon kay Gudo (Jimmy Santos) kasi alam niya ang sikreto ni Dixon. Sinabi na ni Gudo ang sikreto ni Dixon pero hindi naniniwala si dok Aga. Sa twing magkikita sina laging sinasabi ni Dixon "pre ano balita?" lalaking-lalaki kuno pero huwag ka isa siyang bading.

Ayaw ng magulang ni Alex kay Aga kasi mahirap kang daw si Aga kaya naman pilit hinahadlangan ni Babsy (Babalu) ang pag-iibigan nila. Hindi ko matandaan ang katapusan, tumagal rin ng Pitong Taon itong palabas kung hindi ako nagkamamali. (1993-2000) hanggang sa naglipatan na iyong ibang artista sa kabilang channel. Iyong iba naman namatay na.

Tuwang-tuwa talaga ako kapag naaalala ko iyong isang parte kung saan si Dixon ay nakatitig sa larawan ng isang babae ngunit kapag binaliktad na ang larawan ay makikita natin na larawan pala ni dok Aga. Nga pala kapag kaharap ni Dixon ang nobya lalaking-lalaki ang dating niya at maton na maton. Hindi talaga akalain ni Charlene Gonzales na bading ang kaniyang syota. Sino ba naman kasi mag-aakala na bading si Dixon, kinakatakutan at nirerespeto ng mga siga sa iba't-ibang kalye. Iyon nga lang nahuli siya ni Gudo noong bumisita siya sa kilinika ni dok Aga at biglang nagulat nang may lumabas na isang malaking ahas. "Ayyyyyy" sigaw ng bertud. Simula noon nakumpirma nga ni Gudo na bakla si Dixon, nalaman din niya na nobyong lalaki ang bertud.

Maganda itong palabas na ito kaya kung may oras kayo ay panoorin niyo sa Youtube o kung saan man ninyo gusto. May aral din kayong matutunan. Huwag lang kayo maging matapobre haha. May entry na nga pala ako sa pa-contest ni Romelin. Wala lang sinulat ko lang ito baka kasi sabihin puro palabas sa Estados Unidos lang ang pinapanood ko. Huwag kayo mapanghusga ito na lokal na palabas. Iyan na ang pinaka-paborito kong palabas sa kasaysayan ng telebisyon at wala nang hihigit pa. Hanggang sa muli paalam.