Ano ba talaga ang papel ng isang Babae sa buhay ng isang Lalake?

Una, niligawan mo yan, Pare. Ginawa mo lahat ng effort para makuha mo sya kaya wala kang karapatan na saktan sya sa isip o katawang lupa. At hindi mo yan pinakain at inalagaan mula pagkabata hanggang kinuha mo sya sa kanyang mga magulang, Wala ka paring karapatan na murahin sya at durugin ang puso nya. Pinagkatiwalaan ka nya, binigay ang buhay nya para sayo, lahat-lahat kinuha mo wala na syang tinira para sa sarili dahil pinasakop na nya sayo ang buhay na kasama ka. Tapos ganito lang ang isususkli mo sa kanya?

Ang babae mahina, walang lakas para gantihan ka, tanging bunganga ang sandata. Ano ba naman ang lakas ng isang babae kumpara sa isang lalake? Isang malakas na sampal, tadyak, bogbog ba ang ganti mo sa bawat pagkakamali ng Asawa mo? GAANO BA KALAKI NG KASALANAN NYA PARA UMABOT PA SA PAMBOBOG MO? Dapat alam nyo rin ang limitasyon mo bilang isang lalakeng may dignidad. Dahil ang tunay na lalake hindi magawang manakit ng babae.

Pangalawa, Pinakasalan mo sya. Sya ang nagpuno ng pangarap mong buhay. Binigay nya buong pagkatao, binigyan ka ng tahanan na ang inaasam mo. Mga anak na magmamana sa apilyido mo. Pinagsisilbihan ka. Kaya naman dapat kang mahiya. Hindi porket sumobra sya sa kaseselos o kabubunganga ay dapat mo ng saktan? Hindi porket nasasaktan mo ang kanyang katawang lupa ay malakas kana. Kung tutuusin isa kang mahina at duwag dahil ang tunay at malakas na lalaki hndi kayang pagbuhatan ng kamay ang babaeng nagbigay ng buhay sa kanyang pagkatao.

Kung may lakas ang mga babae na kayang tumbasan ng lakas mo, 100% sure kahit magkamatayan hindi yan uupo o sasalo sa mga suntok, tadyak o sampal na pinararanas mo. Gaganti ang mga yan. Huwag naman sanang dumating yung panahon ng kamuhian ka nya dahil sa mga nararanasan nya sa poder mo. Dahil kapag nawala na ang pagmamahal ng Asawa mo, magiging malamig na ang binuo nyong pugad. Hindi na maibabalik ang tunay na pag-ibig kapag sobrang nasaktan.

Wag mong hayaan na maubos ang kanyang napakahabang pasyensya. Pahalagahan, ingatan at mahalin mo sya kagaya ng ginagawa nya sayo. Suklian mo ang lahat ng sakripisyo nya para sayo dahil kapag ang babae ay napagod at naubos ang luha dahil sa sakit na naramdaman sayo. Kahit lumuhod ka pa sa harapan nya ng paulit ulit. Hinding hindi na sya muling babalik sayo.

Lagi mong tatandaan na nasa huli palagi ang pagsisisi. Kaya ngayon palang, hanggang hindi pa huli ang lahat. Magbago kana at mahalin mo sya. Yun lang, Pare.

Quotes of the Day:

Thank you for reading my post. Till next time. Lablab! <3

Images and Quotes Source: Google.com
https://web.facebook.com/Nasaktan-Ako-336106513570389/

PHILIPPINES: 12th of March, 2018. Monday. WifeConfessionPost#1