Sarı, sarı...

Sarı güllər ayrılıq rəmzi imş.Amma yox. Məncə sevginin rəngi sarıdır. Ayrılıq və sevgi. Tam bir təzad və eyni zamanda tam bir vəhdət. Ayrılıq sevginin şirin acısıdı. İnsanlar birgəlikdə adiləşirlər. Sevgi də ucuzlaşır. Yox, yoxa çıxmır. Sadəcə, yorulur sevgi. O gündəlik məişət qayğıları var ha, o sevgini bir günə qoyur ki, uçmağa qol -qanad qalmır onda. Sevgi məkan və zaman anlayışına tabe olmayan yeganə hissdi. Nə uzaqlıq , nə illər sevgini azaltmır. Əksinə. Axı sarıdan deyirdim. Sarı, sarı, kimin yarı?) Deyilənə görə, sarı ən uzaqdan nəzərə çarpan birinci rəngdi. O üzdən taksiləri, dövlət əhəmiyyətli nəqliyyat vasitələri və bir çox obyektlər sarı rəngdə olur. Qoy olsun ayrılıq rəngi. Bir dəfə demişdim ayrılıqlar da sevgiyə daxil...