To My Beautiful Princess

Dear mahal kong prinsesa.

Unang una na gusto ko sabihin ay salamat sa pagtanggap mo sa akin. Hindi mo po tinignan ang itsura ko pero binigyan mo po ako ng pagkakataon para maipakita sayo na talagang mahal na mahal po kita. Lagi po kitang naiisip mula pag gising ko ng umaga, hanggang magtanghali at kahit gabi na ay ikaw pa rin ang laging bukambibig ng puso ko. Lagi rin po kitang namimis kahit magkasama lang tayo kanina. Gusto ko laging pagmasdan ang maamo mong mukha, gusto ko po makita ang napakatamis mong ngiti at gusto kong lagi kang kasama dahil yun po ang nagpapasaya sa akin. Makita lang po kitang masaya ay abot langit na ang saya ko. Kahit tayo na, minsan tinititigan po kita pag di ka po nakatingin tapos pag tumitig ka ay kunwari di ako nakatingin sayo. Sobrang inlove na inlove po ako sayo mahal kong prinsesa. Napakalambing mo po at lagi mo po ako inaalala lalo na pag sumasakit ang ulo ko. Ayaw ko po na nagwowori ka sa akin kaya hanggat maaari ay iniiwasan ko mag isip ng sobra. Pero yung puso ko ang kusang nagsasabi sa isip ko na mahal na mahal kita. Lagi po kitang pinagpapanata sa Ama, na ikaw ang ipagkaloob nya sakin at ibinigay ka nga sakin ng Ama. Lagi po kitang aalagaan at mamahalin. Dahil ikaw po ang prinsesa ng buhay ko.

Sa nalalapit nating pagpapakasal, lagi kong hinihiling sa Ama na patnubayan nya tayong dalawa. Sa tuwing nakikita kita ay pakiramdam ko ay ako na ang pinakaswerting lalaki sa buong mundo dahil napakabait mo po, napakaganda, napakacute at super lambing. Basta lagi mo pong tatandaan, marami man ang dumating na pagsubok sa atin, marami man ang humadlang, ikaw pa rin ang magiging prinsesa ng buhay ko. Dahil alam ko po na mahal na mahal mo rin ako. Asahan mo na lagi mo po akong karamay sa lahat ng pagdadaanan mo, maging problema man, kalungkutan, kasiyahan. O kahit sa mga games na sinasalihan mo, lagi ako magchecheer po sa iyo. Lagi po kitang susuportahan sa mga mithiin mo sa buhay. Dahil ikaw po ang nag iisang prinsesa na minahal ko ng totoo. Ang prinsesang pakakasalan ko. Ang prinsesang kasama ko sa pagtanda at ang prinsesang mamahalin ko habangbuhay. I LOVE YOU PO PRINSESA NG BUHAY KO.

Ang prinsipe ng buhay mo,

Alfren

Please follow and up-vote me on steemit @alfren.
You can follow me on twitter @SibulAlfren and
on facebook https://www.facebook.com/eyelefareen/