ဝတ္ထုတို​လေးတစ်​ပုတ်​ပါ

"ေ "ကာင်းလိုက်တဲ့ ဝတ္တုတို ဖတ်သာကြည့်ကြဗျာ

---

မြေသားနန်း​တော်​ (ဝတ္ထုတို)

(၁)
"​ရောက်​ပြီကိုကြီး အဲဒီဆိုင်​ခန်းပဲ ​ဒီနားမှာ ကပ်​ရပ်​လိုက်​​တော့"
ကားရပ်​လို့သင့်​​တော်​မယ့်​​နေရာ​ရွေးရပ်​ပြီး ကား​ပေါ်ကဆင်းလိုက်​ကြတယ်​။
အခန်းအ​နေအထားကြည့်​ရတာ​တော့မဆိုးဘူး။ကျွန်​​တော့်​ညီ ကြိုက်​ရင်​လည်း ကြိုက်​​လောက်​စရာ။အခန်းပုံစံ​လေးက ​သေ​သေသပ်​သပ်​ရှိပြီး ​​ဘေးဘက်​ကဆိုင်​ခန်း​တွေကလည်း ​သန့်​သန့်​ပြန့်​ပြန့်​​တွေချည်းပဲ။
ဘွဲ့ရပြီးရင်​ ကြိုက်​တာ​ပေးလုပ်​ပါ့မယ်​လို့ ​ကျွန်​​တော်​က ကတိ​ပေးထား​တော့ အခု ကျွန်​​တော့်​ညီက ဒီဆိုင်​ခန်း​လေးမှာ ဂစ်​တာသီးသန့်​အ​ရောင်းဆိုင်​ ဖွင့်​ချင်​တယ်​တဲ့။ဘာပဲဖြစ်​ဖြစ်​ သူဝါသနာပါတဲ့အတိုင်း လုပ်​​ပေးဖို့ ကျွန်​​တော်​ဆုံးဖြတ်​ထားပြီးသားပါ။
သူလိုချင်​တဲ့ဆိုင်​ခန်း​နေရာနဲ့ ကျွန်​​တော့်​​ဆေးခန်းကလည်း ​ထောက်​ကြန့်​နဲ့​မှော်​ဘီဆို​တော့ ရန်​ကုန်​အတိုင်းအတာနဲ့ကြည့်​ရင်​ ​ဝေးတယ်​လို့​တော့ ​ပြောလို့မရဘူး​ပေါ့။ရက်​ခြားဆိုသ​လောက်​ဖြစ်​ဖြစ်​ ဝင်​ကြည့်​​ပေး
လို့ရတာပဲ​လေ။
"အရင်​က ဒီဆိုင်​ပိုင်​ရှင်​က ဒီမှာ ပန်းချီဆွဲတာ​လေ။သိပ်​မ​ပြေလည်​ဘူး
လို့ကြားတယ်​။အခု သူ့သား အိမ်​​ထောင်​ပြု​တော့မှာမို့ အ​ရေးတကြီး​ငွေလ်ိုလို့ ​ရောင်းမှာတဲ့။ဆိုင်​ခန်း​ရောင်းရ​ငွေကို သူ့သားကိုအကုန်​လက်​ဖွဲ့ပြီး ရွာမှာပြန်​​နေ​တော့မှာလို့ ​ကြားတာပဲ။အ​ဖေတစ်​ခု သားတစ်​ခုဘဝနဲ့ သူ့သားကိုသိပ်​ချစ်​တာတဲ့။အခု သူ့သားယူမယ့်​မိန်းမက သူ​ဌေးသမီးဆို​တော့ သူ့သားမျက်​နှာငယ်​မှာစိုးလို့ လက်​ဖွဲ့များများ​ပေးချင်​
နေတာ။"
ဆိုင်​ခန်းအ​နေအထားနဲ့ပတ်​ဝန်းကျင်​ကို​တော့ ကျွန်​​တော်​လည်း
ကြိုက်​ပါတယ်​။အမြတ်​အစွန်းထက်​ ​လော​လောဆယ်​ ကျွန်​​တော့်​ညီ ​ခြေငြိမ်​ဖို့က အဓိက။ဒီလိုပဲ ကျွန်​​တော်​​တွေးမိတယ်​။
ဝယ်​​ပေးမယ်​လို့ ကတိ​ပေးပြီး ကျွန်​​တော်​တို့ ပြန်​ထွက်​လာခဲ့တယ်​။

(၂)
ဒီညအဖို့ ကျွန်​​တော့်​​ဆေးခန်းရဲ့ ​နောက်​ဆုံးလူနာပါ။
နားမှာတပ်​ထားတဲ့နားကြပ်​ကို ဖြုတ်​ချလိုက်​ပြီး ကျွန်​​တော်​ သက်​ပြင်းတစ်​ချက်​ ​လေး​လေးပင်​ပင်​ချလိုက်​တယ်​။
"မဖြစ်​မ​နေ ​ဆေးရုံတက်​ဖို့လို​နေပြီဦး​လေးရယ်​။ကြာရင်​ ပိုဆိုးသွားနိုင်​တယ်​။အဆုတ်​က ​တော်​​တော်​​လေးအားမရစရာဖြစ်​​နေပြီ။ အရင်​တစ်​​ခေါက်​ ဦး​လေးလာကတည်းက ​ဆေးရုံတက်​လိုက်​ပါလို့ ကျွန်​​တော်​​ပြောလိုက်​သားနဲ့ဗျာ"
"ဟို ဟို​လေ ဆရာ။ဆေးရုံတက်​ဖို့ ကုန်​ကျစရိတ်​လည်း ငဲ့ရ​သေး။ပြီး​တော့ ကိုယ်​ခွဲကလည်း မရှိ​လေ​တော့...."
"ခက်​တယ်​ဗျာ ခက်​တယ်​"
ထိုး​ဆေးထိုး၊​သောက်​​ဆေး​ပေးလိုက်​ပြီး ​ဆေးရုံးတက်​ဖြစ်​​အောင်​
တက်​ဖို့ ​အတန်​တန်​​ဖျောင်းဖျ​ပေးလိုက်​တယ်​။
ဆေးခန်းပိတ်​ချိန်​ ည(၈)နာရီထိုးပြီမို့ ​ကြည့်​​ပေးစရာလူနာလည်း ကုန်​ပြီ။ ပြန်​ဖို့ပြင်​ဆင်​​နေတုန်းမှာ ကျွန်​​တော့်​​ကောင်​မ​လေးဆီက
ဖုန်းဝင်​လာတယ်​။တွေ့​နေကျ​နေရာကို လာခဲ့မယ်​တဲ့။ကျွန်​​တော်​လည်း
လာခဲ့ပါ့မယ်​လို့ အ​ကြောင်းပြန်​လိုက်​တယ်​။
ကောင်​မ​လေးက ကျွန်​​တော့်​ထက်​(၈)နှစ်​​လောက်​ငယ်​ပြီး အသက်​(၂၀)ပဲ ရှိပါ​သေးတယ်​။သူ​နေတဲ့ လှည်းတန်းဘက်​က​နေ ကျွန်​​တော့်​​ဆေးခန်းရှိတဲ့ ​ထောက်​ကြန့်​အထိ ကိုယ်​ပိုင်​ကားနဲ့ ရံဖန်​ရံခါ
လာ​တွေ့​လေ့ရှိပါတယ်​။သူမရှိရာ သွား​တွေ့သင့်​​ပေမယ့်​ အလုပ်​များတဲ့
ကျွန်​​တော့်​ကို နားလည်​​ပေးသတဲ့​လေ။အချစ်​​ရေးထက်​ အလုပ်​ကိစ္စကို
ဦးစား​ပေး​နေရတဲ့ကျွန်​​တော့်​မှာ ဒီလိုအလိုက်​သိတတ်​တဲ့ ချစ်​သူတစ်​​ယောက်​ရထားတာ ကျွန်​​တော်​ကံ​ကောင်းတယ်​လို့ ထင်​မိတယ်​။
မင်္ဂလာဒုံစာ​ရေးဆရာအသင်း ရုံးခန်းရှိတဲ့ ​တွေ့​နေကျ ​ထောက်​ကြန့်​စစ်​သင်္ချိုင်း​ဘေးက လမ်းသစ်​လမ်းထဲ ကျွန်​​တော်​​ရောက်​​တော့ သူမ မ​ရောက်​​သေးဘူး။ကားရပ်​ပြီး ​စောင့်​​နေလိုက်​​ပေမယ့်​ ကြာကြာ​တော့ မ​စောင့်​လိုက်​ရပါဘူး။သူမစီးလာ​နေကျကား​လေး လမ်းထဲ ချိုးဝင်​လာတာ ​တွေ့လိုက်​ရတယ်​။
သူမ ကျွန်​​တော့်​စကားကို နား​ထောင်​တာ​တွေ့လိုက်​ရ​တော့ ကျွန်​​တော်​တစ်​ချက်​ပြုံးမိသွားတယ်​။အရင်​တစ်​​ခေါက်​​ သူမလာတုန်းက ​ခေါင်းခန်းမှာ ကား​ဒရိုင်​ဘာနဲ့အတူတူယှဉ်​ပြီး ထိုင်​လာတာ ​တွေ့ရလို့ ကား​နောက်​ခန်းမှာ​ပြောင်းထိုင်​ဖို့ ကျွန်​​တော်​​ သူမကို ပြောခဲ့တယ်​​လေ။အခု ချစ်​စရာ​ကောင်း​လောက်​​အောင်​
ကျွန်​​တော့်​စကားနား​ထောင်​တာ ​တွေ့လိုက်​ရတယ်​။
ကားခေါင်းခန်းထဲမှာ သူမ ဒရိုင်​ဘာနဲ့အတူတူယှဉ်​ထိုင်​တာ
ကျွန်​​တော်​မနှစ်​မြို့ဘူး။အဆင့်​အတန်းခွဲတာ​တော့ မဟုတ်​ပါဘူး။ဒရိုင်​ဘာက အသက်​ကြီးကြီးဆို​ပေမယ့်​ ညအချိန်​မျိုးမှာ သူမအတွက်​ စိတ်​မချမိတာ​တော့ အမှန်​ပါ။
သူမနဲ့ကျွန်​​တော်​ လမ်း​လျှောက်​ထွက်​ရင်း၊ ချစ်​သူတို့ဘာသာဘာဝ
အလွမ်း​ပြေစကား​တွေ ​ပြောကြရင်း​ပေါ့။အချိန်​က​လေး နည်းနည်းရလာ​တော့ သူမကားဆီ ပြန်​ပို့​ပေးလိုက်​ပြီး ကျွန်​​တော်​ လက်​ပြနှုတ်​ဆက်​ ကျန်​ရစ်​ခဲ့ပါတယ်​။

(၃)

 ဒီ​နေ့ ကျွန်​​တော့်​ညီလိုချင်​တဲ့ ​မှော်​ဘီကဆိုင်​ခန်းအတွက်​ အ​ရောင်းအဝယ်​စာချုပ်​ချုပ်​ပြီး ​ငွေ​ချေဖို့ချိန်းထားတယ်​။ဆေးခန်းဖွင့်​ချိန်​မ​ရောက်​မီ ​မှော်​ဘီဘက်​ ကျွန်​​တော့်​တို့ညီအစ်​ကို ထွက်​လာခဲ့တယ်​။ရပ်​ကွက်​အုပ်​ချုပ်​​ရေးမှူးအိမ်​မှာပဲ စာချုပ်​ချုပ်​၊​ငွေ​ချေဖို့ ချိန်းထားတာမို့ အုပ်​ချုပ်​​ရေးမှူးအိမ်​ကိုပဲ ဦးတည်​ရတာ​ပေါ့။
   ဟို​ရောက်​​တော့ အသိသက်​​သေ​လုပ်​​ပေးမယ့်​သူတွေသာ အစုံအလင်​​ရောက်​​နေတာ ဆိုင်​ခန်းပိုင်​ရှင်​က ​မ​ရောက်​လာ​သေးဘူး။လူတစ်​​ယောက်​က ဆိုင်​ကယ်​နဲ့သွား​လိုက်​​ခေါ်လာမှ မဝံ့မရဲပါလာတယ်​။
  ဆိုင်​ခန်းပိုင်​ရှင်​ကို​တွေ့​တော့ ကျွန်​​တော်​ ​အ​တော်​​လေး အံ့အားသင့်​သွားတယ်​။

"ကျွန်​​တော့်​ဆိုင်​ခန်းကိုဝယ်​မှာ ဆရာမှန်းသိလိုက်​ရ​တော့ မျက်​နှာချင်းမဆိုင်​ရဲဘူးဗျာ ဒါ​ကြောင့်​မို့ ​ရှောင်​​နေတာ။ဒါ​ပေမယ့်​ မဖြစ်​မ​နေ ​
ရောင်းရမှာဆို​တော့လည်း...."
"ဦး​လေးရာ ဦး​လေး​ရောဂါထက်​ ဦး​လေးရဲ့သားကိုလက်​ဖွဲ့ဖို့က ပိုအ​ရေးကြီး​နေသလားဗျာ။ဒီလိုဆိုရင်​​တော့ ဦး​လေးဆိုင်​ခန်းကို ကျွန်​​တော်​မဝယ်​ချင်​ဘူးဗျာ"
ဦး​လေးကြီးရဲ့ ​ရောဂါဒဏ်​နဲ့​ချောင်​ကျ​နေတဲ့ မျက်​နှာနွမ်းနွမ်းထက်​မှာ စိုးရိမ်​ရိပ်​တစ်​ချက်​ ဖျတ်​ခနဲ ရှပ်​​ပြေးသွားတာ ကျွန်​​တော်​မြင်​မိလိုက်​တယ်​။
"ကျွန်​​တော့်​သားအတွက်​ ကျွန်​​တော်​​နောက်​ဆုံးလုပ်​​ပေးနိုင်​တာ ဒါ​လေးပဲရှိပါတယ်​။တကယ်​လို့ ဆရာ မဝယ်​​တော့ဘူးဆိုရင်​လည်း တခြားလူတစ်​​ယောက်​​ယောက်​ကို မတည့်​တည့်​​အောင်​​​တော့​ ကျွန်​​တော်​ရောင်းဖြစ်​မှာပါ"
ကျွန်​​တော်​ ​တော်​​တော်​​လေး စိတ်​မ​ကောင်းဖြစ်​သွားတယ်​။သူ့ကိုငဲ့ပြီး ကျွန်​​တော်​ မဝယ်​ဘူးဆိုရင်​လည်း သူ့သားမင်္ဂလာပွဲအမီ
တစ်​​ယောက်​​ယောက်​ကို မတည့်​တည့်​​အောင်​ သူ​ရောင်းမယ်​ဆိုတာ ​သေချာနိုင်​တယ်​။ဒီလိုဆို ဝယ်​လက်​က ​ဈေးနှိမ်​ပြီး ဝယ်​သွားနိုင်​တယ်​။
ကျွန်​​တော်​ စိတ်​မသက်​မသာနဲ့ပဲ အ​ရောင်းအဝယ်​စာချုပ်​မှာ လက်​မှတ်​ထိုးဖြစ်​လိုက်​တယ်​။
ဪ ဖခင်​တွေ ဖခင်​တွေ။

(၄)
တစ်​ပတ်​တစ်​ခါလိုလို ​တွေ့ဖြစ်​​နေကျဆို​တော့ ကျွန်​​တော်​တို့ကို ဒီနားဝန်းကျင်​ကလူ​တွေ စိမ်း​တော့မယ်​လို့ မထင်​မိဘူး။
ထောက်​ကြန့်​စစ်​သင်္ချိုင်းရဲ့ ပတ်​ဝန်းကျင်​ဟာ ​အ​အေးဓာတ်​နည်းနည်း
ပို​နေတာကလွဲလို့ ခါတိုင်းထက်​ ထူးခြားမ​နေ။
နေ့လည်​က ဆိုင်​ခန်းအ​ရောင်းအဝယ်​ကိစ္စမှာ စိတ်​မ​ကောင်းဖြစ်​၊
စိတ်​ညစ်​​နေခဲ့တဲ့အရှိန်​နဲ့ လူက မလန်းဆန်း။တွေ့ချင်​တယ်​ဆိုလို့သာ
ထွက်​လာခဲ့တာ အိမ်​ပြန်​ပြီး အနားယူချင်​စိတ်​က ခပ်​များများ။ဒီ​နေ့မှ
ထူးထူးခြားခြား ဆုံးပါးသွားတဲ့ ကျွန်​​တော့်​အ​ဖေကို လွမ်းဆွတ်​တမ်းတ​နေမိတယ်​။
သူမကား​လေး ဆိုက်​​ရောက်​လာချိန်​မှာ​တော့ ညစ်​​နေတဲ့စိတ်​အ​ပေါ် အလိုမကျမှု​တွေက ထပ်​ပိုးလာတယ်​။
ဒီည သူမ ကား​ခေါင်းခန်းထဲမှာ ဒရိုင်​ဘာနဲ့ယှဉ်​ပြီး ထိုင်​လာပြန်​ပြီ။
ဟိုက နှာ​ခေါင်းဝကို ရှူ​ဆေး​တေ့​ပေးလိုက်​၊ပုဝါထုတ်​ပြီး သုတ်​​ပေးလိုက်​နဲ့ မြင်​ကွင်း​တွေက ကန့်​လန့်​ဖြတ်​​တွေချည်း။အ​နွေးထည်​ပါးပါးနဲ့ ကား​ပေါ်ကဆင်းလာတဲ့သူမကို မဲ့ပြုံးတစ်​ချက်​နဲ့ ခရီးဦးကြို ပြုလိုက်​တယ်​။
စိတ်​ထဲက အလိုမကျမှု​တွေကို ပါးစပ်​က ထုတ်​မ​ပြောလိုက်​​တော့​ပေမယ့်​ စကားမှန်​သမျှက​တော့ ညင်​ညင်​သာသာ ​လျှောထွက်​မသွားခဲ့
ဘူး။သူမရဲ့ နားမလည်​နိုင်​သလို မျက်​ဝန်း​တွေကို ​ဖြေရှင်းပြဖို့လည်း ကျွန်​​တော်​မကြိုးစားခဲ့။ခဏတဖြုတ်​ပဲ အချိန်​​ပေးခဲ့ပြီး နှုတ်​ဆက်​ထွက်​ခွာ ပြန်​ခဲ့လိုက်​တယ်​။
အိမ်​ပြန်​​ရောက်​တာနဲ့ အိပ်​ယာ​ပေါ်ပစ်​လှဲချလိုက်​တယ်​။တစ်​​နေကုန်​
စိတ်​​မော၊လူ​မောနဲ့ မျက်​လုံးမှိတ်​ချိန်​အထိ​တောင်​ ကြည်​လင်​မှုမရှိ​သေးဘူး။
ဖုန်းသံကြားလို့ ကြည့်​မိလိုက်​​တော့ ကျွန်​​တော့်​ချစ်​သူ ​ကောင်​မ​လေးဆက်​တာ။မကိုင်​ဘဲ ထားလိုက်​​ပေမယ့်​ ​လေးငါးကြိမ်​အထိဖြစ်​လာ​တော့ ကိုင်​ဖြစ်​သွားတယ်​။
"ကို ဒီ​နေ့ ဘာဖြစ်​​နေတာလဲဟင်​"
"ကို ဘာဖြစ်​​နေတာလဲလို့ ဒီ​နေ့ကိုနဲ့​တွေ့ရတာ တစ်​မျိုးကြီးပဲ ဘာ​တွေအလိုမကျဖြစ်​​နေလဲ"
မ​ပြော​တော့ဘူးလို့ ​ ဆုံးဖြတ်​ထားခဲ့​ပေမယ့်​ စိတ်​က ထိန်းမထားနိုင်​​တော့ဘူး။
"မင်းကို ကို​မှာထားတယ်​မဟုတ်​လား ​ကား​ခေါင်းခန်းမှာ မထိုင်​ပါနဲ့လို့"
"ဪ ဒါ​ကြောင့်​လားကိုရယ်​။ချစ်​ဒီ​နေ့ ​နေသိပ်​မ​ကောင်းလို့ပါ"
"​နေမ​ကောင်းတာ ​ခေါင်းခန်း​ပြောင်းထိုင်​ရုံနဲ့ ​ကောင်းသွား​ရောလား။
အဟင်း ဟိုက ရှူ​ဆေးထုတ်​​ပေးလိုက်​၊ပုဝါနဲ့ သုတ်​​ပေးလိုက်​နဲ့ ငါကွာ
ပြောရရင်​ မ​ကောင်းဖြစ်​​တော့မယ်​။ဒီမှာ ကိုယ်​နဲ့အမြဲဆက်​ဆံ​နေရတယ်​ဆို​ပေမယ့်​ အလွယ်​တကူမယုံစားလိုက်​နဲ့ အဲဒါ ကျားကွ
ညအ​မှောင်​မှာ ဘာမဆိုဖြစ်​သွားနိုင်​တယ်​။အဲဒီဒရိုင်​ဘာပုံစံ ကိုသိပ်​မကြိုက်​ဘူးကွာ မင်းကိုဆက်​ဆံ​နေတာ တစ်​မျိုးကြီးပဲ။ လူလဲရင်​လဲလိုက်​​တော့"
"ကို"
သူမ ထ​အော်​လိုက်​​တော့ မာန်​မဲ​နေတဲ့ကျွန်​​တော်​ ရုတ်​တရက်​ လန့်​သွားတယ်​။ခဏကြာ​တော့ သူမဘက်​က ငိုသံ​တွေ တအိအိထွက်​
လာတယ်​။
"ဒရိုင်​ဘာတဲ့လား ကိုရယ်​။ အဲဒါ​လေ အဲဒါ ချစ်​ရဲ့​ဖေကြီးပါ အဟင့်​"
"ဘာ ဘယ်​လို"
"ဖ​အေတန်​မဲ့နဲ့ ချစ်​အလိုကို လိုက်​​လျော​ပေး​နေခဲ့တာ။ ချစ်​ဆီ လာမ​တွေ့နိုင်​တဲ့ကို့ကို ချစ်​က လိုက်​​တွေ့​မယ်​ဆို​တော့ ညဘက်​ တစ်​​ယောက်​တည်း စိတ်​မချလို့ဆိုပြီး သူကိုယ်​တိုင်​ ကား​မောင်းပြီးလိုက်​ပို့တာ။ ခု​တော့ ဒရိုင်​ဘာလို့ အထင်​ခံရတယ်​ အဟင့်​ ​ဖေကြီးသနားပါတယ်​။ ချစ်​ကိုယ်​တိုင်​က မ​ကောင်းခဲ့တာပါ"
ဖြေရှင်းချိန်​​တောင်​မရလိုက်​ သူမဘက်​က ဖုန်းချသွားခဲ့ပြီ။ပြန်​​ခေါ်​တော့လည်းမကိုင်​​ဘဲ စက်​ပါပိတ်​သွားခဲ့ပြီ။
ကျွန်​​တော်​ အမှားကြီးမှားပါ​ပေါ့လား။ကျွန်​​တော်​စိတ်​မချမိတဲ့ ဒရိုင်​ဘာလို့ ထင်​ခဲ့မိသူဟာ ဂုဏ်​သိက္ခာကိုမငဲ့ဘဲ သမီးချစ်​သူဆီ ကိုယ်​တိုင်​ကား​မောင်းပို့​ပေးတဲ့ ဖခင်​တစ်​​ယောက်​တဲ့လား။တရှိန်းရှိန်းတက်​လာတဲ့ ကြက်​သီး​တွေနဲ့အတူ ကျွန်​​တော်​ မျက်​ရည်​များပါ
ဝိုင်းမိလာတယ်​။မနက်​မိုးလင်းတာနဲ့ သူမဆီအ​ရောက်​သွားပြီး ဝန်​ချ​တောင်းပန်​ရမှ ကျွန်​​တော့်​ကိုယ်​ကျွန်​​တော်​ ခွင့်​လွှတ်​နိုင်​လိမ့်​မယ့်​။
အိပ်​စက်​လို့မရနိုင်​​အောင်​ ​ခေါင်းထဲမှာ အ​တွေး​တွေက ချာချာလည်​။ဖခင်​​တွေဟာ ​ရွှေသားမထွက်​တဲ့ အညံ့စား​မြေသားဖြစ်​​နေရင်​​တောင်​ သားသမီးအတွက်​ဆို မဖြစ်​ဖြစ်​​အောင်​နန်းတည်​​ပေးနိုင်တဲ့ ​မြေသားနန်း​တော်​များသာ။
ကိုယ့်​သား မျက်​နှာငယ်​မှာစိုးလို့ လက်​ဆုပ်​လက်​ကိုင်​ဆိုင်​ခန်း​လေး ​ရောင်းချလက်​ဖွဲ့ချင်​​သော ဖခင်​။ချစ်​သူဆရာဝန်​ထံ သွား​တွေ့မယ့်​သမီးကို သိက္ခာမငဲ့ လိုက်​ပို့ဝံ့​သောဖခင်​။
ကျွန်​​တော်​ မျက်​ရည်​မထိန်းနိုင်​စွာနဲ့ အိပ်​ရာ​ခေါင်းရင်းထက်​က
နံရံ​ပေါ်ကို​မော့ကြည့်​လိုက်​မိတယ်​။တစ်​ချိန်​က လယ်​ထဲ၊ရွှံ့ထဲမှာ
မညည်းမညူရုန်းကန်​ရင်း သားတစ်​​ယောက်​ကို ​ဆေး​ကျောင်းပြီး​အောင်​ထားနိုင်​ခဲ့တဲ့ ဖခင်​တစ်​ဦးပုံရိပ်​ဟာ ဓာတ်​ပုံမှန်​​ဘောင်​ထဲမှာ
ခန့်​ညားစွာ။

18 January 2017 စံ​တော်​ချိန်​သတင်းစာ