Andrea Pirlo: Kur erdha te Juventus e bëra për të hapur një cikël fitoresh

"Kur erdha te Juventus e bëra për të hapur një cikël fitoresh. Isha plotësisht i bindur, përndryshe do të kisha shkuar diku tjetër. Ky mund të duket si një kampionat më i ekuilibruar, inter, Napoli dhe Juve janë forcuar. Juventus duhet të kalojë një kohë për t'u përshtatur, e cila është e vlefshme si për trajnerin, ashtu edhe për lojtarët. Mbetet të presim, por Juvja mbetet akoma favorit.

"Brescia ? Këto janë ndeshje të vështira. Kur luan në këto stadiume, në këto fusha duhet të përballesh me garën me përqendrimin maksimal, sepse ata do ta bëjnë dhe mezi presin të përballen me ekipe të tilla. Nëse nuk e bën këtë, atëherë humbet. Unë mendoj se Juventus e ka përgatitur mirë ndeshjen, ato janë ndeshje që duhen fituar.

"A ka një "New Pirlo" ? Ai mund të ekzistojë në të gjithë botën. I vetmi që mund të duket si unë mund të jetë De Jong. Pjanic ngjan me mua si tip lojtari, por ne jemi të ndryshëm. Unë kam rrugën time, ai tijën. Por ai është një lojtar i shkëlqyeshëm. Sonte nuk do të jem për të parë ndeshjen. Në fund të muajit do të filloj masterin e Covercianos, hapi i fundit dhe do të shohim nëse do ta filloj këtë lloj pune të re apo jo. Futbolli është jeta ime, nuk mund të bëj asgjë tjetër."