Hikayat aceh / rhyme in aceh

Salam a'laikom warahmatuhu,
Saleum lon tuju keu rakan dumna,
Do'a seujahtra meu tabu - tabu,
Allah Tuhan ku neu peutroeh pinta,

Rakan metuah yang saboh nanggroe,
Hudep geutanyoe hana trep masa,
Tamita amai yoeh gohlom tawoe,
Meunyeusai dudoe hana meuguna,

Hudep lam donya ulon bri bagoe,
Ta piyoh diyup bak kayee raya,,
Oen yang ka layee duroh dum keudroe,
Di ateuh bumo meu banja - banja

Hudep ngoen mate ajai geutanyoe,
Allah yang atoe hana pat tuka
Kadang dirumoh di ateuh kasoe,
Kadang lam moto bak jalan raya

Ilme akhirat beu tameureuno,
Ibarat tanyoe singoh binasa,
Meunyoe keu donya bek ji peu laloe,
Ingat geutanyoe tamoeng nuraka,

Lon lakee meu'ah adue ngoen adoe
Kadang meu cawoe bak tuleh kata
Hana bak awai kadang bak dudoe,
Maklum ulon nyoe insan biasa....