panton

in #poetry6 years ago

image
Meu nyoe di abang, keu lon tan cinta..
Bak ayah poma, lon neu jak puwoe..
Mubek lagei nyoe, ulon neu seksa..
Awai neu cinta, mu macam bagoe..

Watei awai fhon, watei lon dara..
Neu peu gah cinta, keu lon nyoe adoe..
Mupakon jinoe, lagei nyoecara..
Ulon neu seksa, oeh jeut keu binoe...

Meu nyoe tan galak, si reuta cinta..
Bak ayah poma, ulon neu puwoe...
Bek ban di ulon, umu katuha...
Neu mita cara, abang lagei nyoe..

Beok salah but, ulon neu seksa..
Ulon neu tampa, wahe abang droe..
Memang lon tupue, lon aneuk desa..
Bek lah kanda, ulon neu eung khoe...

Pue lom di aneuk, di tanyoe kana..
Beu na neu kira, wahe abang droe...
Tapih bagi lon, wahe ee dinda...
Dak salah kanda, hana lon pakoe..

Adak pih nyoe dum, ulon neu seksa..
Hana bak dinda, dendam keu lakoe..
Ulon peu meu ah, dak salah kanda..
Han lon peu dosa, keu cut bang si droe....

Meuah cut adek, na lancang haba..
Bak peu gah haba, ulon nyoe binoe..
Kaseb keuh ulon, agei nyoe lon rasa..
Yang laen dara, beu goet pileh lakoe...

Coin Marketplace

STEEM 0.35
TRX 0.12
JST 0.039
BTC 69796.92
ETH 3521.66
USDT 1.00
SBD 4.70