Nagmahal ako ng walang kasiguraduhan

Sa taong minahal ko hanggang kaibuturan

Sakit na nadarama'y pinagwalang-bahala lamang

Upang ika'y makasama sa kadulu-duluhan

Kailan mo ba matututunan?

Mahalin ako ng tapat at may kasiguraduhan?

Pag-aalinlangan ay kailangang ibsan

Upang habam-buhay ay makamtan

Narito ako sa iyong tabi

Nais magtanong kung ako'y may silbi?

Tikom ng puso't mga labi

Sa sarili'y walang imi

Kay daming katanungan sa utak ko

Kay daming salitang nagsusumamo

Sakit na di inda ng dibdib ko

Kailan mo kaya mapagtatanto?

Magandang Gabi, Steemians.

-Fey

Ang mga litrato sa artikulong ito ay pagmamay-ari ni @smafey

Halina't tulungan natin si @surpassinggoogle sa pamamagitan ng pagboto sa @steemgigs bilang witness.