Balak 11 (AYAW TAMAYA)

in #poetry6 years ago

AYAW TAMAYA


Link

Ayaw’g tamaya kining ilong kong pislat,
Ayaw’g tamaya kining mata kong galugat,
Ayaw’g kataw-e kining baga kong ngabil,
Ayaw usab tutuki ang nagbitay kong bilbil.

Hinuon dawata kining tim-os kong gugma,
Ug palihug susiha nagburot kong pitaka,
Kay pamilya nato sigurado dili mapasmo
ug manglakaw na kita sa mansyon mangadto.

Kalimti na kadtong uyab mong gwapo
Kay dghan to ug uyab ug pwerti ka palakero
Kung ako man ang imong pillion ug pakaslan
Ikaw panggaon sa kanunay paga silbihan

Busa inday hayan huna-hunaa
Kining akong hitsura ayaw intawn tamaya
Kay kasing-kasing ko bulawanon ug puno sa gugma
Kining maot kung dagway ayaw na lang panumbalinga.

Kung sa imong kaugalingon dili gyud madala,
Kining ubos nga naghangyo kanimo paminawa,
Kay karong panahona dili makabuhi ang hitsura,
Sigurado ko atong ugma matawag og Pamilya.

Dinhi sa lang ko kutob sa akong pagpanuktok,
Pero sa matag oras ako maghinuktok,
Kung buligan mo kining dagway ug pustora
Dakong kalipay ko kay wala nimo tamaya.

____________________________________________________________

Inyong higala sa kanunay

@redspider

Coin Marketplace

STEEM 0.29
TRX 0.12
JST 0.035
BTC 65402.71
ETH 3383.32
USDT 1.00
SBD 4.60